Aron fékk sínar fyrstu mínútur með Hammarby í öruggum sigri

Aron Jóhannsson lék sínar fyrstu mínútur fyrir Hammarby í kvöld er liðið vann þægilegan 5-2 sigur á Elfsborg á heimavelli í sænsku úrvalsdeildinni.

Aron gekk í raðir Hammarby fyrr í mánuðinum en byrjaði á bekknum í kvöld er hann var í leikmannahópi liðsins í fyrsta sinn.

Hammarby var með flugeldasýningu í fyrri hálfleik en liðið var 4-0 yfir eftir 39 mínútur. Ótrúlegur fyrri hálfleikur en lokatölururnar urðu 5-2.

73' #Bajen gör sitt sista byte för kvällen. Ut går Imad Khalili som får stående ovationer som tack för sina mål och in kommer istället Aron Johannsson som nu får göra sina första steg i den grönvita tröjan.

[HIF - IFE 5-2]

— Hammarby Fotboll (@Hammarbyfotboll) July 22, 2019

Aron lék í rúmlega stundarfjórðung en eftir sigurinn er Hammarby í sjötta sæti deildarinnar. Elfsborg er í tíunda sæti deildarinnar.

Anna Rakel Pétursdóttir var ónotaður varamaður er Linköping tapaði 2-0 fyrir Eskilstuna á útivelli. Linköping er í fimmta sæti deildarinnar eftir áttundu umferðina.