Justin Thomas með öruggan sigur á BMW Championship

Bandaríski kylfingurinn Justin Thomas stóð uppi sem sigurvegari á BMW Championship mótinu í golfi sem fram fór í Medinah, Illinois um helgina en mótið er hluti af úrslitakeppni PGA mótaraðarinnar.

Thomas spilaði frábært golf og bætti vallarmetið í tvígang á mótinu og lauk keppni á samtals 25 höggum undir pari, þremur höggum á undan Patrick Cantlay sem hafnaði í öðru sæti.

Sigurinn fleytir Thomas í efsta sæti FedEx listans fyrir lokamót ársins.

Make room on the J.K. Wadley Trophy for @JustinThomas34, winner of the 2019 #BMWCHAMPS! pic.twitter.com/OVdw46asXQ

— BMW Championship (@BMWchamps) August 18, 2019