Fimmti sigur Kolbeins og félaga í röð

Kolbeinn Sigþórsson lék í rúman klukkutíma þegar AIK bar sigurorð af Eskilstuna, 2-4, í sænsku úrvalsdeildinni í dag.

Þetta var fimmti sigur AIK í röð en liðið er aðeins einu stigi á eftir toppliði Djurgården.

Kolbeinn var tekinn af velli á 61. mínútu, í stöðunni 1-1. AIK skoraði svo þrjú mörk á 17 mínútna kafla og tryggði sér sigurinn.

Arnór Ingvi Traustason lék ekki með Malmö sem gerði 1-1 jafntefli við Häcken á útivelli. Þetta var fjórða jafntefli Malmö í röð en liðið er í 3. sæti með 38 stig.

Ingvar Jónsson var ekki í leikmannahópi Viborg sem gerði markalaust jafntefli við Køge á heimavelli í dönsku B-deildinni.