Lögreglan á Suðurnesjum hafði í vikunni afskipti af manni sem tilkynnt hafði verið um að lægi í bifreið við Njarðvíkurbraut. Þegar lögreglumenn komu á vettvang reyndist maðurinn vera rænulítill vegna fíkniefnaneyslu.
Í tilkynningu frá lögreglu á Suðurnesjum segir að á læri mannsins hafi legið poki með hvítu dufti. Sjúkraflutningamenn mættu einnig á vettvang og meðan þeir voru að ræða við manninn framvísaði hann vettlingi með meintum fíkniefnum.
Ekki þótti ástæða til að flytja manninn undir læknishendur eftir að hann hafði gengist undir skoðun á vettvangi. Hann kaus að fara sína leið fótgangandi, að því er fram kemur í tilkynningu lögreglu.
Rænulítill með fíkniefni í vettlingi
Kristín Ólafsdóttir skrifar

Mest lesið

Kjarasamningur kennara í höfn
Innlent

Engin röð á Læknavaktinni
Innlent






Reykjavík ekki ljót borg
Innlent

