Elías dæmdur í eins leiks bann

Elías Már Halldórsson, þjálfari HK í Olísdeild karla, má ekki stýra liðinu í næsta leik því hann var í dag úrskurðaður í leikbann.

Elías Már fékk rautt spjald í leik HK og KA um helgina. Í úrskurði aganefndar HSÍ segir að útilokunin hafi verið vegna „grófrar íþróttamnnslegrar hegðunar.“

Þjálfarinn verður því fjarri góðu gamni þegar HK mætir Stjörnunni botnslag í Olísdeild karla.

HK er enn án stiga eftir fimm leiki og vermir botnsæti deildarinnar en Stjarnan er með eitt stig í 10. sæti.