Fékk stóran og djúpan skurð þegar hann gekk úr flugvélinni

Farþegi sem var að ganga frá borði flugvélar, sem hafði lent á Keflavíkurflugvelli frá Hamborg í Þýskalandi um helgina, féll til jarðar og slasaðist töluvert. Þetta kemur fram í tilkynningu frá lögreglu á Suðurnesjum.

Farþeginn hlaut stóran og djúpan skurð á hnakka og kvartaði einnig undan eymslum víðsvegar um líkamann. Viðkomandi var fluttur á Heilbrigðisstofnun Suðurnesja til aðhlynningar.

Þá var tveimur flugvélum lent á Keflavíkurflugvelli um og eftir helgina vegna veikinda farþega um borð. Báðir voru fluttir á Heilbrigðisstofnun Suðurnesja til aðhlynningar.