Tveir leikmenn dæmdir í bann fyrir guðlast

Tveir leikmenn hafa verið úrskurðaðir í eins leiks bann fyrir guðlast í leikjum í ítölsku úrvalsdeildinni.

Þetta eru Francesco Magnanelli, fyrirliði Sassuolo, og Matteo Scozzarella, leikmaður Parma.

Þeir gerðust sekir um guðlast í leikjum liða sinna um helgina. Sassuolo vann Verona, 0-1, og Parma gerði jafntefli við Inter, 2-2.

Á Ítalíu er stanglega bannað að leggja nafn guðs við hégóma og ítalska knattspyrnusambandið hefur refsað leikmönnum fyrir guðlast síðan 2010.

Í fyrra fékk Rolando Mandragora, leikmaður Udinese, eins leiks bann fyrir óviðeigandi ummæli um guð og Maríu mey.