Fótbolti

Trippier: Costa kallar mig Wayne Rooney tíu sinnum á dag

Anton Ingi Leifsson skrifar
Costa og Trippier fagna marki.
Costa og Trippier fagna marki. vísir/getty
Kieran Trippier gekk í raðir Atletico Madrid frá Tottenham í sumar og hefur farið vel af stað með spænska liðinu það sem af er leiktíð.

Enski landsliðsbakvörðurinn hefur byrjað sjö af þeim níu leikjum sem lokið er í úrvalsdeildinni og lagt upp eitt mark en það kom í fyrsta leiknum hans gegn Getafe.

Hjá Atletico er Trippier samherji Diego Costa. Flestir þekkja Costa sem framherja með mikið skap en Trippier ber honum söguna vel.

„Diego kallar mig á hverjum morgni, örugglega tíu sinnum í dag Rooney. Wayne Rooney kallar hann mig alltaf. Allir byrja svo að hlægja,“ sagði Trippier í samtali við Marca.







Costa hefur skorað tvö mörk og lagt upp eitt mark í fyrstu sjö leikjunum. Einnig hefur hann fengið tvö gul spjöld sem kemur sér lítið á óvart er Costa á í hlut.

Atletico Madrid er í 5. sæti deildarinnar með sextán stig en þeir eru einungis þremur stigum frá toppliði Barcelona.

Enski boltinn Spænski boltinn

Mest lesið


Fleiri fréttir

Sjá meira


×

Mest lesið