Glódís Perla sænskur meistari

Glódís Perla Viggósdóttir og stöllur í Rosengård tryggðu sér í dag sænska meistaratitilinn í fótbolta.

Rosengård gerði 1-1 jafntefli við Vittsjö á heimavelli sínum. Stigið úr þeim leik var nóg til þess að tryggja Ronsengård sigur í deildinni því þegar ein umferð er eftir eru fjögur stig niður í Gautaborg í öðru sætinu.

Glódís var að sjálfsögðu í byrjunarliði Rosengård en hún er búin að spilla alla leiki liðsins í deildinni.

Þetta er í fyrsta skipti sem Glódís verður Svíþjóðarmeistari en tvisvar hefur hún lent í öðru sæti í deildinni.