„Bara eitt lið sem var að fara að vinna“

Jordan Henderson, fyrirliði Liverpool, sagði Liverpool hafa verið allt í öllu í seinni hálfleik leiks Liverpool og Napólí í Meistaradeild Evrópu í kvöld.

Leiknum lauk með 1-1 jafntefli, sem þýðir að Liverpool þarf að bíða þar til í lokaumferðinni með að tryggja sæti sitt í útsláttarkeppninni.

„Við vildum vinna og klára verkefnið, en Napólí gerði okkur erfitt fyrir,“ sagði Henderson. „Við erum þó enn í ágætri stöðu.“

„Þeir eru gott lið með góða leikmenn. Á tímum spiluðum við góðan fótbolta.“

„Í seinni hálfleik fannst mér eins og bara eitt lið væri að fara að vinna leikinn.“

Liverpool mætir Salzburg í lokaumferðinni í úrslitaleik um sæti í útsláttarkeppninni.