Alþjóðalega lyfjaeftirlitið (WADA) hefur dæmt Rússland í fjögurra ára bann frá alþjóðlegum íþróttakeppnum.
Framkvæmdastjórn WADA tók einróma ákvörðun um þetta á fundi í Lausanne í Sviss í dag.
Rússneskir íþróttamenn mega því ekki keppa á Ólympíuleikum eða heimsmeistaramótum undir merkjum rússneska fánans næstu fjögur árin.
Íþróttamenn frá Rússlandi sem standast lyfjapróf mega þó enn keppa undir hlutlausum merkjum. Á Vetrarólympíuleikunum í Pyeongchang í fyrra kepptu 168 rússneskir íþróttamenn undir hlutlausum merkjum. Þeir unnu til 33 verðlauna í Pyeongchang, þar af 13 gullverðlauna.
Rússland hefur þrjár vikur til að áfrýja dómnum. Ef Rússar gera það fer málið fyrir Alþjóða íþróttadómstólinn (Cas).
