Bóluefni gegn lungnabólgu uppurið

Mikil eftirspurn hefur verið eftir bóluefni gegn lungnabólgu á heilsugæslustöðvum með þeim afleiðingum að bóluefnið er uppurið. Þetta kemur fram í tilkynningu frá Heilsugæslunni.

Heilsugæslan rekur fimmtán heilsugæslustöðvar í Reykjavík, Seltjarnarnesi, Mosfellsbæ, Kópavogi, Garðabæ og í Hafnarfirði.

Í tilkynningunni segir að bóluefnið, sem hefur ekki áhrif gegn kórónuveirunni, né lungnabólgu í kjölfar sýkingar af COVID-19, sé uppselt hjá birgjum og því ekki væntanlegt fyrr en undir lok mánaðar.

Heilsugæslan bendir á að hægt sé að skrá sig á lista hjá sinni Heilsugæslustöð á vefsíðunni Heilsuveru.