Eiríkur á Omega vill ekki tjá sig um meint peningaþvætti og skattsvik Jakob Bjarnar skrifar 11. mars 2020 10:52 Eiríkur auglýsir eftir nýjum stuðningsaðilum í þætti á sjónvarpsstöðinni Omega. Honum er gefið að sök í ákæru að hafa svikið undan skatti og að persónulegur ávinningur hans vegna þess séu rúmar 36 milljónir. Eiríkur Sigurbjörnsson, sem ætíð er kenndur við kristilegu sjónvarpsstöðina Omega, hefur verið ákærður fyrir meiriháttar brot, eins og segir í ákæru héraðssaksóknara, gegn skattalögum og fyrir peningaþvætti. Í ákæru kemur fram að persónulegur ávinningur hans af brotunum sé 36 milljónir. Eiríkur hyggst ekki tjá sig um ákæruna. Að sögn lögmanns hans, Jóns Arnar Árnasonar, vill hann njóta þeirrar stöðu sakbornings að teljast saklaus uns sekt sannast. En um er að ræða tvöfalda málsmeðferð, bæði gagnvart skattinum en þar hefur ekki verið farið fram á endurákvörðun og svo gagnvart ákæruvaldinu. Eiríkur er þannig að berjast á tveimur vígstöðvum en að sama skapi má búast má við því að málinu ljúki fyrr, eða sem því nemur. Persónulegar úttektir sem nema 67 milljónum Í ákærunni er Eiríki gefið það að sök að hafa talið rangt fram vegna áranna 2011 til 2016. Þá með þeim hætti að hafa sleppt því að telja fram á skattframtölum sínum annars vegar persónulegar úttektir að fjárhæð rúmlega 67 milljónum króna sem Eiríkur hafði afnot af og skuldfærðust af bankareikningi Gospel Channel Evrópa ohf. hjá DNB banka í Noregi. Hins vegar úttektir Eiríks samkvæmt viðskiptareikningi hans hjá Global Mission Network ehf. sem nema tæpum 11,5 milljónum króna. Úr ákærunni sem gefin hefur verið út á hendur Eiríki. „Með framangreindu vantaldi ákærði tekjur samtals að fjárhæð 78.593.465 krónur og komst undan greiðslu tekjuskatts og útsvars að fjárhæð 36.298.184 krónum“. Að sögn Jóns Arnars lögmanns verður málið þingfest á fimmtudaginn en ekki liggur fyrir hvenær málið verður flutt. Global Mission Network gjaldþrota Vísir greindi frá því desember 2018 að félagið Global Mission Network ehf., sem kemur að rekstri kristilegu sjónvarpsstöðvarinnar Omega og er í eigu sjónvarpsstjórans Eiríks Sigurbjörnssonar, hafi þá verið tekið til gjaldþrotaskipta. Samkvæmt tilkynningu í Lögbirtingablaðinu var félagið úrskurðað gjaldþrota 14. nóvember og skiptastjóri skipaður yfir þrotabúið. Samkvæmt ársreikningi frá árinu 2017 var starfsemi félagsins rekstur útvarps- og sjónvarpsstöðvar. Félagið skilaði 2,5 milljónum króna í hagnað í fyrra, 5,5 milljónum árið áður og nam eigið fé í fyrra tæpum tólf milljónum. Félagið hafði þá 79 milljónir í tekjur. Biðja Guð að senda nýja stuðningsaðila „Það hefur verið mikið óveður í kringum okkur núna undanfarnar vikur, aftur og aftur kemur óveður,“ segir Guðmundur Örn Ragnarsson, prestur og þáttastjórnandi á Omega í þætti hans og Eiríks á Omega fyrir tveimur vikum. Og nefnir að sjónvarpsstöðin hafi nú verið við lýði í 28 ár. Guðmundur Örn, prestur og þáttastjórnandi á Omega biður Guð að senda sjónvarpsstöðinni nýja stuðningsaðila. „Nú virðist vera vá fyrir dyrum hjá sjónvarpsstöðinni Omega. Það verður erfiðara og erfiðara. Stuðningsaðilarnir, þeim hefur fækkað,“ segir Guðmundur Örn og varar við óttanum. Sem felst í spurningunni hvort allt sé að fara í vaskinn. „Ef við fáum ekki fleiri stuðningsaðila, hvað gerist þá með sjónvarpsstöðina?“ Guðmundur Örn segir að það sé búið að sá í hjörtu mannanna og nú vanti bara regnið. „Til að vökva það sæði sem sáð hefur verið hér í 28 ár. Það er undir Guði komið. Ef það koma nýjir stuðningsaðilar sem við þurfum á að halda og við biðjum Guð að senda okkur.“ Skattar og tollar Dómsmál Fjölmiðlar Trúmál Mest lesið Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Verst þegar barninu líður eins og það sé annars flokks Innlent Enn unnið að því að ná dráttarvélinni upp eftir alvarlegt slys í Hvítá Innlent Stærsti óttinn varð að veruleika á þriðja degi af 90 Innlent Dómur yfir Bergvini óbreyttur en þarf að greiða hærri miskabætur Innlent Rétt náði að stilla hjálminn sem bjargaði lífi dótturinnar Innlent Drengurinn er kominn í leitirnar Innlent Fjórtán ára á rúntinum Innlent Heilt þorp varð undir aurskriðu í Sviss Erlent Fleiri fréttir Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Sjá meira
Eiríkur Sigurbjörnsson, sem ætíð er kenndur við kristilegu sjónvarpsstöðina Omega, hefur verið ákærður fyrir meiriháttar brot, eins og segir í ákæru héraðssaksóknara, gegn skattalögum og fyrir peningaþvætti. Í ákæru kemur fram að persónulegur ávinningur hans af brotunum sé 36 milljónir. Eiríkur hyggst ekki tjá sig um ákæruna. Að sögn lögmanns hans, Jóns Arnar Árnasonar, vill hann njóta þeirrar stöðu sakbornings að teljast saklaus uns sekt sannast. En um er að ræða tvöfalda málsmeðferð, bæði gagnvart skattinum en þar hefur ekki verið farið fram á endurákvörðun og svo gagnvart ákæruvaldinu. Eiríkur er þannig að berjast á tveimur vígstöðvum en að sama skapi má búast má við því að málinu ljúki fyrr, eða sem því nemur. Persónulegar úttektir sem nema 67 milljónum Í ákærunni er Eiríki gefið það að sök að hafa talið rangt fram vegna áranna 2011 til 2016. Þá með þeim hætti að hafa sleppt því að telja fram á skattframtölum sínum annars vegar persónulegar úttektir að fjárhæð rúmlega 67 milljónum króna sem Eiríkur hafði afnot af og skuldfærðust af bankareikningi Gospel Channel Evrópa ohf. hjá DNB banka í Noregi. Hins vegar úttektir Eiríks samkvæmt viðskiptareikningi hans hjá Global Mission Network ehf. sem nema tæpum 11,5 milljónum króna. Úr ákærunni sem gefin hefur verið út á hendur Eiríki. „Með framangreindu vantaldi ákærði tekjur samtals að fjárhæð 78.593.465 krónur og komst undan greiðslu tekjuskatts og útsvars að fjárhæð 36.298.184 krónum“. Að sögn Jóns Arnars lögmanns verður málið þingfest á fimmtudaginn en ekki liggur fyrir hvenær málið verður flutt. Global Mission Network gjaldþrota Vísir greindi frá því desember 2018 að félagið Global Mission Network ehf., sem kemur að rekstri kristilegu sjónvarpsstöðvarinnar Omega og er í eigu sjónvarpsstjórans Eiríks Sigurbjörnssonar, hafi þá verið tekið til gjaldþrotaskipta. Samkvæmt tilkynningu í Lögbirtingablaðinu var félagið úrskurðað gjaldþrota 14. nóvember og skiptastjóri skipaður yfir þrotabúið. Samkvæmt ársreikningi frá árinu 2017 var starfsemi félagsins rekstur útvarps- og sjónvarpsstöðvar. Félagið skilaði 2,5 milljónum króna í hagnað í fyrra, 5,5 milljónum árið áður og nam eigið fé í fyrra tæpum tólf milljónum. Félagið hafði þá 79 milljónir í tekjur. Biðja Guð að senda nýja stuðningsaðila „Það hefur verið mikið óveður í kringum okkur núna undanfarnar vikur, aftur og aftur kemur óveður,“ segir Guðmundur Örn Ragnarsson, prestur og þáttastjórnandi á Omega í þætti hans og Eiríks á Omega fyrir tveimur vikum. Og nefnir að sjónvarpsstöðin hafi nú verið við lýði í 28 ár. Guðmundur Örn, prestur og þáttastjórnandi á Omega biður Guð að senda sjónvarpsstöðinni nýja stuðningsaðila. „Nú virðist vera vá fyrir dyrum hjá sjónvarpsstöðinni Omega. Það verður erfiðara og erfiðara. Stuðningsaðilarnir, þeim hefur fækkað,“ segir Guðmundur Örn og varar við óttanum. Sem felst í spurningunni hvort allt sé að fara í vaskinn. „Ef við fáum ekki fleiri stuðningsaðila, hvað gerist þá með sjónvarpsstöðina?“ Guðmundur Örn segir að það sé búið að sá í hjörtu mannanna og nú vanti bara regnið. „Til að vökva það sæði sem sáð hefur verið hér í 28 ár. Það er undir Guði komið. Ef það koma nýjir stuðningsaðilar sem við þurfum á að halda og við biðjum Guð að senda okkur.“
Skattar og tollar Dómsmál Fjölmiðlar Trúmál Mest lesið Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Verst þegar barninu líður eins og það sé annars flokks Innlent Enn unnið að því að ná dráttarvélinni upp eftir alvarlegt slys í Hvítá Innlent Stærsti óttinn varð að veruleika á þriðja degi af 90 Innlent Dómur yfir Bergvini óbreyttur en þarf að greiða hærri miskabætur Innlent Rétt náði að stilla hjálminn sem bjargaði lífi dótturinnar Innlent Drengurinn er kominn í leitirnar Innlent Fjórtán ára á rúntinum Innlent Heilt þorp varð undir aurskriðu í Sviss Erlent Fleiri fréttir Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Sjá meira