Hjörtur hélt hreinu í fyrsta leiknum eftir langt hlé

Hjörtur Hermannsson var í byrjunarliði Bröndby og spilaði allan leikinn er liðið vann 1-0 sigur á SönderjyskE á heimavelli í dönsku úrvalsdeildinni í knattspyrnu í dag.

SönderjyskE fékk hættulegasta færi fyrir hálfleiks en Martin Schwabe varði meistaralega og staðan var markalaus í hálfleik.

Fyrsta og eina mark leiksins gerði hinn ungi og efnilegi Jesper Lindström en hann kom inn á sem varamaður í hálfleik og þakkaði traustið.

Eftir sigurinn er Bröndby komið aftur upp í 4. sæti deildarinnar með 42 stig en SönderjyskE er í 11. sæti deildarinnar með 26 stig. Eggert Gunnþór Jónsson var í leikbanni hjá þeim en Ísak Óli Ólafsson ekki í leikmannahópnum.