Ekkert stöðvar kasó­létta Anni­e Mist sem tók á því með „Circ­le of love“ á fóninum

Annie Mist Þórisdóttir bíður spennt eftir nýju verkefni en hún eignast sitt fyrsta barn, ásamt kærasta sínum Frederik Aegidius, á næstu vikum.

Annie Mist er gengin 38 vikur en hún er sett þann 5. ágúst. CrossFit-drottningin gefur þó ekki tommu eftir í ræktinni, eins og sést á nýjasta myndbandi hennar á Instagram.

Hún segir að það séu tvær vikur eftir er hún birti myndband af æfingu sinni en hún segir að hún myndi breyta aðeins æfingunni fyrir þær konur sem ekki eru óléttar.

Circle Of Love, með Rudy Mancuso, segir Annie að hafi verið hvetjandi lag fyrir hana á æfingunni en væntanlega var hún þó að meina Circe Of Life úr Lion King.

Má vænta að þetta hafi verið mistök hjá Annie en hún getur af eðlilegum ástæðum, ekki tekið þátt í heimsleikunum í ár.

Annie var fyrsta konan í heiminum til að vinna Crossfit leikana tvisvar í röð en varð heimsmeistari árin 2011 og 2012.