Nantes spilar í argentínsku fánalitunum til heiðurs Sala

Í dag, 21. janúar, er eitt ár síðan argentínski framherjinn Emilano Sala lést er flugvél, sem hann var um borð í, hrapaði á leið frá Nantes til Cardiff. Hann var 28 ára þegar hann féll frá.

Sala var þá nýbúinn að semja við Cardiff City og hafði farið aftur til Nantes til að kveðja gömlu liðsfélaga sína.

Til að minnast hans ætlar Nantes að leika í sérstökum búningi í leiknum gegn Bordeaux í frönsku úrvalsdeildinni á sunnudaginn.

Búningurinn er í fánalitum Argentínu, hvítur og ljósblár. Nantes kynnti búninginn með myndbandi á Twitter í dag. Meðal þeirra sem koma fram í því er Kylian Mbappé, leikmaður Paris Saint-Germain og franska landsliðsins.

Tu as endossé la tunique nantaise avec hargne et loyauté, laissant un souvenir impérissable au sein de la Maison Jaune. Face à Bordeaux, afin de te rendre hommage, le FC Nantes sera aux couleurs de ton pays. Un maillot que tu méritais ! pic.twitter.com/qm8PWOgW4K

— FC Nantes (@FCNantes) January 21, 2020

Allur ágóði af sölu búninganna rennur til fyrstu tveggja félaganna sem Sala lék með, San Martin de Progreso og Proyecto Crecer í Argentínu.