Ríkisstjórn um „kyrrstöðu og skaðaminnkun“ ekki rétta svarið Elín Margrét Böðvarsdóttir skrifar 20. janúar 2020 17:45 Logi Einarsson, formaður Samfylkingarinnar. Vísir/Vilhelm Logi Einarsson, formaður Samfylkingarinnar, fór hörðum orðum í ræðu sinni á Alþingi í dag. Hann benti á að ríkisstjórnin væri kolfallin samkvæmt skoðanakönnunum og sagði talsmenn ríkisstjórnarinnar gjarnan stæra sig af því að hafa stuðlað að mikilli lífskjarasókn og innviðauppbyggingu auk aðgerða í loftslagsmálum. Logi vildi þó ekki meina að mikil innistæða væri fyrir fullyrðingum af þeim toga. „Hagvöxtur er horfinn og atvinnuleysi hefur tvöfaldast. Það ríkir neyðarástand bráðamóttökunni og heilbrigðiskerfið allt er vanfjármagnað. Losun gróðurhúsalofttegunda hefur aukist. Málefni útlendinga eru í ólestri. Veiðileyfagjöld eru orðin helmingi lægri en þegar ríkisstjórnin tók við. Öryrkjar og eldri borgarar hafa dregist enn lengra aftur úr öðrum hópum og dómskerfið okkar er í uppnámi og Ísland er á gráum lista,“ sagði Logi. Segir heilbrigðis- og menntakerfið í ólestri Sakaði hann ríkisstjórnina um að leggja sig ekki fram við að stuðla að jöfnuði í samfélaginu. Hann gerði stöðuna í heilbrigðiskerfinu sérstaklega að umræðuefni og gagnrýndi hversu hægt hafi gengið að ná kjarasamningum við ýmsar heilbrigðisstéttir, einkum kvennastéttir. „Þá er heilbrigðisþjónustu víða á landsbyggðinni ógnað, jafnvel á stöðum sem reynslan sýnir að geta verið einangraðir frá höfuðborginni svo dögum skiptir,“ sagði Logi sem vék máli sínu næst að menntakerfinu. Þar sé af mörgu að taka og gera þurfi betur. „Fjórðungur barna fá ekki viðunandi hjálp heima - innflytjendur hér koma mun verr út en á hinum Norðurlöndunum. Hvort sem horft er til fyrstu eða annarrar kynslóðar. Þetta eru börn fólks sem hefur lagt þungt lóð á vogaskálar efnahaglífsins. Börn sem búa við fátækt koma einnig verr út,“ sagði Logi meðal annars. Hlýnun jarðar stærsta mál heimsbyggðarinnar Logi sagði ljóst að hlýnun jarðar og afleiðingar sem henni fylgja vera stærsta málið sem heimsbyggðin standi frammi fyrir. Kallaði hann eftir því að íslensk stjórnvöld settu sér metnaðarfyllri markmið í þeim efnum, jafnvel þótt það kunni að þýða aðgerðir sem séu íþyngjandi fyrir almenning. „Framtíðaráskoranir eins og loftslagsbreytingar og tæknibyltingin eiga eftir að hafa áhrif á líf okkar, vinnu og velsæld. Næstu ár verða að vera helguð því að tryggja öllum viðunandi kjör og að breytingarnar hafi meiri jöfnuð og hamingju í för með sér,“ sagði Logi. Segir tíma kominn fyrir stjórn án Sjálfstæðisflokksins Það er ljóst af ræðu Loga að hann hefur ekki mikla trú á núverandi ríkisstjórn. „Sitjandi ríkisstjórn er kolfallinn samkvæmt öllum könnunum. Og þótt kannanir séu eitt og kosningar annað er ekki vafamál að almennt hefur fólk ekki traust eða trú á að ríkisstjórnarsamstarf um kyrrstöðu og skaðaminnkun sé rétta svarið,“ sagði Logi. Þótt eflaust sé hægt að ná saman um stór hagsmunamál sé þó erfitt að mæta mörgum af stærstu áskorunum samtímans með málamiðlunum í ríkisstjórn þar sem flokkar séu ósamstíga. „Nú er kominn tími á samstilltari, djarfari og víðsýnni stjórn, án Sjálfstæðisflokksins - fyrir allt fólkið í landinu og komandi kynslóðir. Stjórn sem leggur alla áherslu á ríkara félagslegt réttlæti og hefur á sama tíma meiri sköpunarkraft, framsýni og hugrekki,“ sagði Logi og bætti við að Samfylkingin væri tilbúin í slíkt verkefni. Alþingi Samfylkingin Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira
Logi Einarsson, formaður Samfylkingarinnar, fór hörðum orðum í ræðu sinni á Alþingi í dag. Hann benti á að ríkisstjórnin væri kolfallin samkvæmt skoðanakönnunum og sagði talsmenn ríkisstjórnarinnar gjarnan stæra sig af því að hafa stuðlað að mikilli lífskjarasókn og innviðauppbyggingu auk aðgerða í loftslagsmálum. Logi vildi þó ekki meina að mikil innistæða væri fyrir fullyrðingum af þeim toga. „Hagvöxtur er horfinn og atvinnuleysi hefur tvöfaldast. Það ríkir neyðarástand bráðamóttökunni og heilbrigðiskerfið allt er vanfjármagnað. Losun gróðurhúsalofttegunda hefur aukist. Málefni útlendinga eru í ólestri. Veiðileyfagjöld eru orðin helmingi lægri en þegar ríkisstjórnin tók við. Öryrkjar og eldri borgarar hafa dregist enn lengra aftur úr öðrum hópum og dómskerfið okkar er í uppnámi og Ísland er á gráum lista,“ sagði Logi. Segir heilbrigðis- og menntakerfið í ólestri Sakaði hann ríkisstjórnina um að leggja sig ekki fram við að stuðla að jöfnuði í samfélaginu. Hann gerði stöðuna í heilbrigðiskerfinu sérstaklega að umræðuefni og gagnrýndi hversu hægt hafi gengið að ná kjarasamningum við ýmsar heilbrigðisstéttir, einkum kvennastéttir. „Þá er heilbrigðisþjónustu víða á landsbyggðinni ógnað, jafnvel á stöðum sem reynslan sýnir að geta verið einangraðir frá höfuðborginni svo dögum skiptir,“ sagði Logi sem vék máli sínu næst að menntakerfinu. Þar sé af mörgu að taka og gera þurfi betur. „Fjórðungur barna fá ekki viðunandi hjálp heima - innflytjendur hér koma mun verr út en á hinum Norðurlöndunum. Hvort sem horft er til fyrstu eða annarrar kynslóðar. Þetta eru börn fólks sem hefur lagt þungt lóð á vogaskálar efnahaglífsins. Börn sem búa við fátækt koma einnig verr út,“ sagði Logi meðal annars. Hlýnun jarðar stærsta mál heimsbyggðarinnar Logi sagði ljóst að hlýnun jarðar og afleiðingar sem henni fylgja vera stærsta málið sem heimsbyggðin standi frammi fyrir. Kallaði hann eftir því að íslensk stjórnvöld settu sér metnaðarfyllri markmið í þeim efnum, jafnvel þótt það kunni að þýða aðgerðir sem séu íþyngjandi fyrir almenning. „Framtíðaráskoranir eins og loftslagsbreytingar og tæknibyltingin eiga eftir að hafa áhrif á líf okkar, vinnu og velsæld. Næstu ár verða að vera helguð því að tryggja öllum viðunandi kjör og að breytingarnar hafi meiri jöfnuð og hamingju í för með sér,“ sagði Logi. Segir tíma kominn fyrir stjórn án Sjálfstæðisflokksins Það er ljóst af ræðu Loga að hann hefur ekki mikla trú á núverandi ríkisstjórn. „Sitjandi ríkisstjórn er kolfallinn samkvæmt öllum könnunum. Og þótt kannanir séu eitt og kosningar annað er ekki vafamál að almennt hefur fólk ekki traust eða trú á að ríkisstjórnarsamstarf um kyrrstöðu og skaðaminnkun sé rétta svarið,“ sagði Logi. Þótt eflaust sé hægt að ná saman um stór hagsmunamál sé þó erfitt að mæta mörgum af stærstu áskorunum samtímans með málamiðlunum í ríkisstjórn þar sem flokkar séu ósamstíga. „Nú er kominn tími á samstilltari, djarfari og víðsýnni stjórn, án Sjálfstæðisflokksins - fyrir allt fólkið í landinu og komandi kynslóðir. Stjórn sem leggur alla áherslu á ríkara félagslegt réttlæti og hefur á sama tíma meiri sköpunarkraft, framsýni og hugrekki,“ sagði Logi og bætti við að Samfylkingin væri tilbúin í slíkt verkefni.
Alþingi Samfylkingin Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira