Sigur­mark í upp­bótar­tíma og Barcelona úr leik

Undanúrslitin í spænska bikarnum þetta tímabilið verða án bæði Barcelona og Real Madrid.

Real Madrid tapaði fyrr í kvöld gegn Real Sociedad á heimavelli og síðar um kvöldið tapaði Barcelona svo 1-0 fyrir Athletic Bilbao á útivelli.

Staðan var markalaus í hálfleik en Börsungar fengu fjölmörg tækifæri til að komast yfir í leiknum. Þeir fóru illa með mörg dauðafæri og þar á meðal Leo Messi og Antoine Griezmann.

Sigurmarkið kom í uppbótartíma. Eftir fyrirgjöf Dani Garcia náði framherjinn Inaki Williams að fleyta boltanum í netið og lokatölur 1-0.

Það verða því Mirandes, Real Sociedad, Granada og Athletic Bilbao sem eru komin í undanúrslitin.