Patrekur hættur hjá Skjern

Patrekur Jóhannesson er hættur störfum sem þjálfari danska úrvalsdeildarliðsins Skjern.

Skjern-træner stopper før tid

Patrekur Jóhannesson stopper med øjeblikkelig virkning i Skjern Håndbold.

Cheftrænerrollen overtages af Claus Hansen, mens Thomas Klitgaard bliver assistenttræner sæsonen ud.

Tak for indsatsen, Patrekur!  #skjernhåndboldpic.twitter.com/Xz80q1CZl2

— Skjern Håndbold (@SkjernHaandbold) February 5, 2020

Búið var að gefa út að Patrekur myndi hætta eftir tímabilið en starfslokin komu fyrr en áætlað var.

Að sögn Carsten Thygesen, stjórnarformanns Skjern, var þörf á nýjum manni í brúna.

„Ég ber mikla virðingur fyrir Patreki og nálgun hans á þjálfarastarfið,“ segir Thygesen á heimasíðu Skjern.

„En það er ekkert leyndarmál að okkur gengur illa í augnablikinu og við þurfum nýja orku í hópinn fyrir úrslitakeppnina.“

Claus Hansen tekur við Skjern af Patreki. Aðstoðarmaður hans það sem eftir er tímabils verður Thomas Klitgaard.

Patrekur stýrði Skjern í síðasta sinn þegar liðið tapaði fyrir Mors-Thy, 24-27, á sunnudaginn. Hann skilur við Skjern í 6. sæti dönsku deildarinnar.

Tveir íslenskir landsliðsmenn leika með Skjern; Elvar Örn Jónsson og Björgvin Páll Gústavsson.