Einu­gis tveir gefið fleiri stoð­sendingar en Ísak í All­s­venskunni

Ísak Bergmann Jóhannesson hefur leikið afar vel með aðalliði Norrköping í sænsku úrvalsdeildinni á leiktíð.

Skagamaðurinn ungi hefur brotið sér leið inn í byrjunarliðið og hefur heldur betur þakkað traustið á leiktíðinni.

Ísak spilaði í gær í 3-1 sigri Norrköping á Gautaborg en Ísak gerði sér lítið fyrir og lagði upp tvö af mörkum Norrköping.

Hann er þar af leiðandi kominn með fimm stoðsendingar í fyrstu sextán leikjunum og einungis tveir hafa gefið fleiri stoðsendingar.

Sead Haksabanovic, samherji Ísaks hjá Norrköping, sem og Johan Larsson, fyrrum samherji Hjartar Hermanssonar hjá Bröndby og nú leikmaður Elfsborg, hafa gefið sex stoðsendingar.