Berlu­sconi lagður inn á sjúkra­hús

Silvio Berlusconi, Evrópuþingmaður og fyrrverandi forsætisráðherra Ítalíu, var lagður inn á sjúkrahús í gærkvöldi. Gekkst hann undir rannsóknir, en greint var frá því fyrr í vikunni að hann hafi greinst með kórónuveiruna.

Í yfirlýsingu frá hægriflokknum Forza Italia, flokki hins 83 ára Berlusconi, segir að ekki sé ástæða til að hafa áhyggjur af ástandi hans og að líðan hans sé góð.

Berlusconi og tvö barna hans greindust með kórónuveirusmit á miðvikudaginn eftir að hafa verið í fríi á Sardiníu. Hlutfall smitaðra er mun hærra á eyjunni en annars staðar á Ítalíu.

Berlusconi var fluttur á sjúkrahús og á sérstaka Covid-deild á sjúkrahúsinu San Raffaele, ekki langt frá glæsivinnu  hans við Arcore, norður af Mílanó. Einkalæknir Berlusconi, Alberto Zangrillo, hafði áður lýst honum sem einkennalausum.

Þingmaðurinn Marta Fascina, sem er þrítug kærasta Berlusconi, smitaðist einnig af kórónuveirunni og hefur verið í einangrun með forsætisráðherranum fyrrverandi.