Breyta Anfield í skimunarstöð

Enska knattspyrnufélagið Liverpool hefur í sameiningu við borgaryfirvöld í Liverpool að breyta heimavelli félagsins í skimunarstöð.

Þetta mun allt hefjast í næstu viku en á heimasíðu félagsins eru borgarbúar hvattir til þess að fara í skimun vegna kórónuveirunnar.

Veiran hefur sprottið upp á nýjan leik með hvelli á Englandi og er þar í landi útgöngubann sem gildir út mánuðinn.

Því hefur Liverpool borg ákveðið, í sameiningu við Liverpool, að hægt verði að senda borgarbúa í skimun á Anfield.

Í fréttinni á heimasíðu félagsins segir að þjálfarar karla- og kvennaliðs félagsins hafi verið hlynntir þessari ákvörðun sem og leikmenn liðanna.