Warner staðfestir áætlanir um Wonder Woman 1984 Heiðar Sumarliðason skrifar 19. nóvember 2020 14:30 Wonder Woman lætur ekkert stöðva sig, ekki einu sinni kórónuveiruna. Warner Bros. bauð kórónuveirunni byrginn með því að gefa Tenet út í kvikmyndahús um allan heim sl. sumar, en hafði ekki erindi sem erfiði þar sem aðsóknin olli töluverðum vonbrigðum. Kvikmyndaverið er þó ekki af baki dottið, ólíkt öðrum dreifingaraðilum kvikmynda sem hafa seinkað myndum sínum, og prófar nýja leið með Wonder Woman 1984 í Bandaríkjunum. Áætluðum kvikmyndahúsaútgáfudegi, 25. desember, er haldið til streitu, en myndin mun hins vegar einnig koma út á HBO-Max í Bandaríkjunum sama dag. Ekki þarf að greiða aukalega fyrir aðgang að myndinni og geta allir áskrifendur streymisveitunnar því séð hana. Þetta er ólíkt því þegar Disney setti Mulan á Disney+ í september, en aðgangur að myndinni var ekki innifalinn í mánaðargjaldi veitunnar og kostaði leigan á henni heila 30 dollara. Eins og sakir standa er HBO-Max einungis fáanlegt í Bandaríkjunum, því geta Íslendingar ekki séð Wonder Woman 1984 í sjónvarpinu sínu. Hins vegar þýðir þessi nýja útgáfuleið Warner Bros. að engin seinkun verður á kvikmyndahúsaútgáfu myndarinnar hér á landi, líkt og er orðið svo algengt með stórmyndir í dag. Því geta íslenskir áhorfendur séð Wonder Woman sveifla hinni svokölluðu „svipu sannleikans“ í íslenskum kvikmyndahúsum frá og með öðrum degi jóla. Friður í samskiptum við kvikmyndahúsin Warner Media, sem er bæði eigandi Warner Bros. og HBO-Max, vonast til að auka áskrifendafjölda Max-veitunnar töluvert með þessari dreifingarleið, og um leið losa um stíflu óútgefinna titla, sem farin er að myndast. Disney+ hefur einnig horfið frá Mulan-útgáfuforminu, að láta áskrifendur borga aukalega fyrir aðgang að nýjum kvikmyndum, og munu allir áskrifendur þeirra hafa aðgang að nýjustu Pixar-myndinni Soul, frá og með jóladegi. Samskipti kvikmyndahúsakeðja í Bandaríkjunum og kvikmyndaveranna hafa að undanförnu einkennst af spennu vegna Covid-19-hamla. Fulltrúar Universal og AMC-keðjunnar deildu í kjölfar útgáfu á Trolls: World Tour, sem fór fram hjá kvikmyndahúsum og beint á VOD í Bandaríkjunum sl. vor. AMC, sem er stærsta kvikmyndahúsakeðja Bandaríkjanna, setti Universal stólinn fyrir dyrnar í kjölfarið og ætlaði að hætta að sýna myndir þeirra. Málið leystist þó farsællega í sumar þegar AMC var lofað að fá allar Universal-myndir í a.m.k. þrjár vikur áður en þær kæmu út á VOD. Fólk í kvikmyndaiðnaðinum og fjölmiðlum veltir nú fyrir sér áhrifum þessa nýju útgáfuvenja á framtíð kvikmyndahúsa en forstjóri Warner Media, Jason Kilar, segir þó í tilkynningu, að Warner hafi enn fulla trú á að kvikmyndahúsin nái sér á strik eftir að bóluefni er komið í almenna umferð. Hollywood Stjörnubíó Mest lesið „Greyið, hann þarf að horfa á mig deyja“ Lífið Bandaríkjaforseti birtir bull í bunkum Lífið Myndaveisla: Landinn skemmti sér konunglega í Vaglaskógi Lífið Óvæntur Johnny Depp heiðraði Ozzy með Alice Cooper Lífið Gervigreindarfyrirsæta í Vogue vekur ugg Tíska og hönnun Ragga Holm og Elma giftu sig Lífið Krakkatían: Dvergarnir sjö, klukkuturn og plánetur Lífið Hlaupadellan varð að fatamerki: „Ég er giftur götunni“ Tíska og hönnun „Seldist upp í rúturnar nánast jafn snarlega og á tónleikana“ Lífið Unaðsvörur Harry Styles valda titringi Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira
Warner Bros. bauð kórónuveirunni byrginn með því að gefa Tenet út í kvikmyndahús um allan heim sl. sumar, en hafði ekki erindi sem erfiði þar sem aðsóknin olli töluverðum vonbrigðum. Kvikmyndaverið er þó ekki af baki dottið, ólíkt öðrum dreifingaraðilum kvikmynda sem hafa seinkað myndum sínum, og prófar nýja leið með Wonder Woman 1984 í Bandaríkjunum. Áætluðum kvikmyndahúsaútgáfudegi, 25. desember, er haldið til streitu, en myndin mun hins vegar einnig koma út á HBO-Max í Bandaríkjunum sama dag. Ekki þarf að greiða aukalega fyrir aðgang að myndinni og geta allir áskrifendur streymisveitunnar því séð hana. Þetta er ólíkt því þegar Disney setti Mulan á Disney+ í september, en aðgangur að myndinni var ekki innifalinn í mánaðargjaldi veitunnar og kostaði leigan á henni heila 30 dollara. Eins og sakir standa er HBO-Max einungis fáanlegt í Bandaríkjunum, því geta Íslendingar ekki séð Wonder Woman 1984 í sjónvarpinu sínu. Hins vegar þýðir þessi nýja útgáfuleið Warner Bros. að engin seinkun verður á kvikmyndahúsaútgáfu myndarinnar hér á landi, líkt og er orðið svo algengt með stórmyndir í dag. Því geta íslenskir áhorfendur séð Wonder Woman sveifla hinni svokölluðu „svipu sannleikans“ í íslenskum kvikmyndahúsum frá og með öðrum degi jóla. Friður í samskiptum við kvikmyndahúsin Warner Media, sem er bæði eigandi Warner Bros. og HBO-Max, vonast til að auka áskrifendafjölda Max-veitunnar töluvert með þessari dreifingarleið, og um leið losa um stíflu óútgefinna titla, sem farin er að myndast. Disney+ hefur einnig horfið frá Mulan-útgáfuforminu, að láta áskrifendur borga aukalega fyrir aðgang að nýjum kvikmyndum, og munu allir áskrifendur þeirra hafa aðgang að nýjustu Pixar-myndinni Soul, frá og með jóladegi. Samskipti kvikmyndahúsakeðja í Bandaríkjunum og kvikmyndaveranna hafa að undanförnu einkennst af spennu vegna Covid-19-hamla. Fulltrúar Universal og AMC-keðjunnar deildu í kjölfar útgáfu á Trolls: World Tour, sem fór fram hjá kvikmyndahúsum og beint á VOD í Bandaríkjunum sl. vor. AMC, sem er stærsta kvikmyndahúsakeðja Bandaríkjanna, setti Universal stólinn fyrir dyrnar í kjölfarið og ætlaði að hætta að sýna myndir þeirra. Málið leystist þó farsællega í sumar þegar AMC var lofað að fá allar Universal-myndir í a.m.k. þrjár vikur áður en þær kæmu út á VOD. Fólk í kvikmyndaiðnaðinum og fjölmiðlum veltir nú fyrir sér áhrifum þessa nýju útgáfuvenja á framtíð kvikmyndahúsa en forstjóri Warner Media, Jason Kilar, segir þó í tilkynningu, að Warner hafi enn fulla trú á að kvikmyndahúsin nái sér á strik eftir að bóluefni er komið í almenna umferð.
Hollywood Stjörnubíó Mest lesið „Greyið, hann þarf að horfa á mig deyja“ Lífið Bandaríkjaforseti birtir bull í bunkum Lífið Myndaveisla: Landinn skemmti sér konunglega í Vaglaskógi Lífið Óvæntur Johnny Depp heiðraði Ozzy með Alice Cooper Lífið Gervigreindarfyrirsæta í Vogue vekur ugg Tíska og hönnun Ragga Holm og Elma giftu sig Lífið Krakkatían: Dvergarnir sjö, klukkuturn og plánetur Lífið Hlaupadellan varð að fatamerki: „Ég er giftur götunni“ Tíska og hönnun „Seldist upp í rúturnar nánast jafn snarlega og á tónleikana“ Lífið Unaðsvörur Harry Styles valda titringi Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira