Ís­land í neðsta styrk­leika­flokki er dregið verður í riðla á EM

Íslenska landsliðið skipað leikmönnum 21 árs eða yngri verður í neðsta styrkleikaflokki er dregið verður í riðla fyrir lokakeppni Evrópumótsins í knattspyrnu. Dregið verður þann 10. desember.

Ísland tryggði sér sæti á EM með frábærum sigir á Írlandi ytra í lok leik undankeppninnar. Nokkrum dögum áður hafði liðið tapað naumlega gegn Ítalíu hér heima en það kom sem betur fer ekki að sök.

Vegna kórónufaraldursins verður mótinu - sem fram fer í Slóveníu og Ungverjalandi - skipt upp í tvo hluta. Riðlakeppnin hefst 24. mars og lýkur þann 31. sama mánaðar. Útsláttarkeppnin hefst svo 31. maí og lýkur 6. júní. 

Ástæðan ku vera sú að knattspyrnusamband Evrópu vill ekki að mótið fari fram á sama tíma og EM A-landsliða fari fram.

Hér að neðan má sjá styrkleikaflokkana en líkt og vanalega verður eitt lið úr hverjum styrkleikaflokki í hverjum riðli.

Fyrsti styrkleikaflokkur

Spánn [Ríkjandi meistarar]

Þýskaland 

Frakkland 

England 

Annar styrkleikaflokkur

Ítalía 

Danmörk 

Portúgal 

Holland 

Þriðji styrkleikaflokkur

Rúmenía 

Króatía 

Tékkland 

Rússland 

Fjórði styrkleikaflokkur

Sviss 

Ísland 

Slóvenía 

Ungverjaland