Fótbolti

Cloé Lacasse spilaði er Ben­fi­ca stein­lá fyrir Chelsea | Úr­slit kvöldsins í Meistara­deildinni

Runólfur Trausti Þórhallsson skrifar
Chelsea naut sín í Portúgal.
Chelsea naut sín í Portúgal. Harriet Lander/Getty Images

Alls eru 12 leikir á dagskrá í 32-liða úrslitum Meistaradeildar Evrópu kvenna í dag. Sara Björk Gunnarsdóttir og Glódís Perla Viggósdóttir voru í sigurliðum fyrr í dag en Cloé Lacasse og stöllur hennar í Benfica máttu þola stórt tap á heimavelli gegn Chelsea.

Gestirnir frá Lundúnum byrjuðu frábærlega og hafði Francesca Kirby komið þeim yfir eftir aðeins tvær mínútur. Millie Bright bætti við öðru marki á 29. mínútu og Kirby kom Chelsea í 3-0 þegar rétt rúmur hálftími var liðinn.

Pernille Harder gulltryggði svo sigur Chelsea með fjórða marki liðsins undir lok fyrri hálfleiks. Staðan 4-0 í hálfleik og Bethany England skoraði fimmta markið þegar aðeins fimm mínútur voru liðnar af síðari hálfleik.

Staðan orðin 5-0 og reyndust það lokatölur.

María Þórisdóttir kom inn af varamannabekk Chelsea þegar klukkutími var liðinn.

Noregsmeistarinn Ingibjörg Sigurðardóttir og stöllur hennar í Vålerenga mæta danska félaginu Brøndby IF annað kvöld.

Síðari leikir 32-liða úrslitanna fara fram í næstu viku.

Önnur úrslit

FC Minsk 0-2 Lillestrøm SK Kvinner

Zhilstroy-2 Kvarkiv 2-1 BIIK Kazygurt

Sparta Praha 2-1 Glasgow City

ZFK Spartak 0-5 Wolfsburg

Kopparbergs/Göteborg 1-2 Manchester City

ŽNK Pomurje 0-3 Fortuna Hjørring

PSV Eindhoven 1-4 Barcelona

St. Pölten 2-0 FC Zürich

Servette FC Chênois Féminin 2-1 Atlético Madrid [Ólokið]

Fótbolti Meistaradeild Evrópu

Tengdar fréttir

Mest lesið


Fleiri fréttir

Sjá meira


×

Mest lesið