Kylfusveinn DeChambeau ætlar að hjálpa Lexi að vinna Opna bandaríska líka

Opna bandaríska meistaramót kvenna í golfi hefst í dag og verður hægt að fylgjast með því á Sport Golf stöðinni. Lexi Thompson ætlar sér stóra hluti á opna bandaríska meistaramótinu í golfi sem er síðasta risamót ársins.

Hin bandaríska Lexi Thompson vann sitt eina risamót á ferlinum árið 2014 en hún varð í öðru sæti á opna bandaríska meistaramótinu í fyrra á eftir hinni suður-kóresku Lee Jeong-eun.

Bandarískur kylfingur hefur ekki unnið opna bandaríska meistaramótið í fjögur ár eða síðan að Brittany Lang vann árið 2016.

Lexi Thompson er á milli kylfusveina þessa dagana. Bróðir hennar hefur hlaupið í skarðið að undanförnu en á opna bandaríska meistaramótinu verður Tim Tucker kylfusveinn hennar. Tucker hefur reynslu af því að vinna þetta mót og það á þessu ári.

Tim Tucker getur nefnilega orðið fyrsti kylfusveinninn til að hjálpa kylfingi að vinna bæði opna meistaramót kvenna og karla á sama árinu.

Tim Tucker er kylfusveinn Bryson DeChambeau sem vann opna bandaríska meistaramótið í karlaflokki í september. DeChambeau lék hringina á fjóra á sex höggum undir pari og var sex höggum á undan næsta manni.

Opna bandaríska meistaramótið hjá körlunum fór fram hjá Winged Foot golfklúbbnum í New York fylki en kvennamótið fer fram í Houston í Texas fylki í ár.

Lexi Thompson og Tim Tucker hafa náð vel saman á æfingahringjunum og hún er spennt fyrir samstarfinu. Hún segir að Tucker sé með öll mál og mælingar á hreinu og muni hjálpa henni mikið. Að auki fær hann hana til að hlæja og létta um leið á spennustiginu.

Það er þó eitt sem Thompson ætlar ekki að gera og það er að drekka prósteinsjeik eins og Bryson DeChambeau er þekktur fyrir.

„Ó nei. Guð minn góður. Ég kæmist ekki ó pilsið mitt,“ sagði Lexi Thompson í léttum tón.

Útsendingin frá fyrsta degi Opna bandaríska ristmóts kvenna í golfi hefst á Stöð 2 Golf klukkan 17.30.

Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum. Helgarpassa að Stöð 2 Golf má kaupa á kerfum Vodafone.