Karl Bretaprins með veiruna

Karl Bretaprins hefur verið greindur með kórónuveiruna. Þetta kemur fram í tilkynningu frá skrifstofu prinsins þar sem segir að hann hafi hingað til sýnt væg einkenni en sé annars við góða heilsu. 

Eiginkona hans Camilla Parker-Bowles hefur einnig verið prófuð en hún reyndist ekki smituð. Þau eru nú bæði komin í sóttkví á heimili sínu. Þá segir að engin leið sé að vita hvar prinsinn hafi smitast, því hann hafi hitt svo marga í opinberum erindagjörðum sínum síðustu vikur.