Sacha Baron Cohen rifjaði upp þegar hann fór yfir strikið

Leikarinn Sacha Baron Cohen er líklega þekktastur fyrir hlutverk sín sem Ali G, Borat og Bruno.

Á dögunum var fjögurra ára gamalt viðtal við Bretann rifjað upp á YouTube-síðu The Jonathan Ross Show en þar fer Cohen yfir það þegar hann fór yfir strikið.

Hann segist hafa verið í töluverðri hættu við tökur á kvikmyndinni Bruno þar sem hann fór með hlutverk manns sem er samkynhneigður.

Cohen var staddur í Arkansas í Bandaríkjunum og hafði náð að smala saman um tvö þúsund manns til að fylgjast með bardaga.

Undir lok bardagans fór aftur á móti karakter Cohen og andstæðingurinn að kyssast og það mjög innilega.

Lögfræðingar Cohen sögðu að hann gæti hreinlega lent í fangelsi ef hann myndi gera hluti sem hvöttu til óreiða og það munaði mjög litlu að það hefði gerst en áhorfendur í sal urðu vægast sagt reiðir og tóku upp á því að kasta hlutum inn í bardagahringinn.

Hann segist hafa farið þá yfir strikið.

Hér að neðan má sjá atriðið sjálft.