Handbolti

Alexander ekki með: Björg­vin, Elliði og Kristján Örn koma inn

Anton Ingi Leifsson skrifar
Björgvin Páll Gústavsson á HM í Þýskalandi.
Björgvin Páll Gústavsson á HM í Þýskalandi. Getty/Jörg Schüler

Guðmundur Guðmundsson landsliðsþjálfari hefur gert þrjár breytingar á íslenska landsliðshópnum sem mætir Portúgal öðru sinni á Ásvöllum í Hafnarfirði í dag.

Leikurinn er liður í undankeppni EM 2022. Ísland tapaði fyrsta leiknum í þríleiknum gegn Portúgölum fyrir helgi en í kvöld bíður annar leikurinn. Þriðji leikurinn er svo á HM í Egyptalandi í næstu viku.

Alexander Petersson fékk slæmt höfuðhögg í leiknum úti í Portúgal og verður ekki með liðinu í dag. Einnig detta þeir Kári Kristján Kristjánsson og Viktor Gísli Hallgrímsson út úr sextán manna hóp dagsins.

Björgvin Páll Gústavsson er aftur kominn inn í hópinn eftir að hafa ekki gefið kost á sér í fyrsta leikinn af fjölskylduástæðum. Einnig koma þeir Elliði Snær Viðarsson, Gummersbach í Þýskalandi, og Kristján Örn Kristjánsson, Pauc í Frakklandi, inn í hópinn.

Leikurinn í dag hefst klukkan 16.00 og verður í beinni lýsingu í Boltavaktinni hér á Vísi.

Nafn:                              Félag:

Arnar Freyr Arnarsson MT Melsungen

Arnór Þór Gunnarsson Die Bergische HC

Ágúst Elí Björgvinsson KIF Kolding

Bjarki Már Elísson TBV Lemgo Lippe

Björgvin Páll Gústavsson Haukar

Elliði Snær Viðarsson Vfl Gummersbach

Elvar Örn Jónsson Skjern Håndbold

Gísli Þorgeir Kristjánsson SC Magdeburg

Janus Daði Smárason Frisch Auf Göppingen

Kristján Örn Kristjánsson Pays d’Aix

Oddur Grétarsson HBW Balingen

Ólafur Andrés Guðmundsson IFK Kristianstad

Ómar Ingi Magnússon SC Magdeburg

Sigvaldi Björn Guðjónsson Vive Tauron Kielce

Viggó Kristjánsson TVB 1898 Stuttgart

Ýmir Örn Gíslason Die Rhein-Necker Löwen

Handbolti EM 2022 í handbolta

Tengdar fréttir

Mest lesið


Fleiri fréttir

Sjá meira


×

Mest lesið