Þrír Keflvíkingar komnir yfir hundrað í plús og Deane Williams langhæstur

Óskar Ófeigur Jónsson skrifar 27. janúar 2021 17:00

Það ráða fá lið við Keflavíkurliðið þegar Deane Williams er inn á vellinum. Vísir/Vilhelm

Keflavík á fimm hæstu leikmennina í plús og mínus eftir fimm umferðir af Domino´s deild karla í körfubolta.

Þrír leikmenn Keflavíkurliðsins komust yfir hundrað í plús og mínus í stórsigrinum á Grindavík í síðustu umferð en þar vann Keflavík 94-67 sigur í leik tveggja taplausra liða.

Keflavík vann þær tæpu 26 mínútur sem Deane Williams spilaði í leiknum með 35 stigum og hann er efstur í plús og mínus í deildinni. Þetta var annar leikurinn í röð og sá þriðji á tímabilinu þar sem Keflavíkur vinnu spilatíma Deane Williams með meira en 30 stigum.

Í leiknum á undan vann Keflavík Njarðvík með 32 stigum þær 32 mínútur sem Williams spilaði.

Deane Williams er alls 127 stig í plús þær 153 mínútur sem hann hefur spilað í deildinni í vetur og hefur Keflavík því unnið hans spilatíma með 25,4 stigum að meðaltali í leik. Á þessum tíma hefur hann síðan verið með 18,6 stig, 8,8 fráköst og 22,8 framlagsstig í leik.

Valur Orri Valsson (+104) og Calvin Burks Jr. (+104) komust líka yfir hundrað í plús og mínus í Grindavikurleiknum og þá eru þeir Dominykas Milka (+78) og Hörður Axel Vilhjálmsson (+69 )í fjórða og fimmta sæti listans.

Það þarf því að fara alla leið niður í sjötta sætið til að finna leikmann sem spilar ekki með toppliði Keflavíkur. Sá heitir Larry Thomas og spilar með Þór úr Þorlákshöfn og liðsfélagi hans Styrmir Snær Þrastarson er í sjöunda sætinu ásamt Joonas Jarvelainen úr Grindavík.

Hæstir í plús og mínus í Domino´s deild karla eftir fimm umferðir:

(Nettó stig þegar leikmenn eru inn á vellinum)

1. Deane Williams, Keflavík +127
2. Valur Orri Valsson, Keflavík +104
3. Calvin Burks Jr., Keflavík +100
4. Dominykas Milka, Keflavík +78
5. Hörður Axel Vilhjálmsson, Keflavík +69
6. Larry Thomas, Þór Þorlákshöfn +63
7. Styrmir Snær Þrastarson, Þór Þorlákshöfn +49
7. Joonas Jarvelainen, Grindavík +49
9. Alexander Lindqvist, Stjörnunni +42
10. Ragnar Örn Bragason, Þór Þorlákshöfn +39
--
11. Hlynur Elías Bæringsson, Stjörnunni +38
12. Ægir Þór Steinarsson, Stjörnunni +35
13. Arnór Sveinsson, Keflavík +31
14. Björn Kristjánsson, KR +24
15. Adomas Drungilas, Þór Þorlákshöfn +20
16. Viðar Ágústsson, Tindastóll +18
17. Hugi Hallgrímsson, Stjörnunni +16
18. Dagur Kár Jónsson, Grindavík +16
19. Danero Thomas, ÍR +14
20. Evan Singletary, ÍR +14

Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Dominos-deild karla Keflavík ÍF

Mest lesið

Fleiri fréttir