Líf að færast í mið­borgina en veitinga­menn vildu gjarnan mega fá fleiri í hús

Veitingamenn og vertar virðast ágætlega bjartsýnir á næstu vikur og mánuði, nú þegar greind smit Covid-19 eru fá og fleiri á ferli. 

Á meðan kórónuveirufaraldurinn leikur lausum hala erlendis er hins vegar fátt sem bendir til þess að ferðamönnum muni fjölga hér til muna á næstunni og þá er mikilvægt að geta fullnýtt þau kvöld sem Íslendingar fara helst út, það er að segja fimmtudags-, föstudags-, laugardags- og sunnudagskvöld.

Hrefna Sætran, matreiðslumeistari og veitingakona á Fiskmarkaðnum og Grillmarkaðnum, og Romuald Máni Bodinaud, vaktstjóri hjá Reykjavík Meat, segja að það myndi breyta miklu ef veitingastaðirnir mættu taka á móti fleirum.