Kol­beinn skoraði tvö og af­greiddi gömlu fé­lagana

Kolbeinn kom til Gautaborgar fyrir tímabilð frá AIK þar sem hann var á mála síðustu tvö ár.

Kolbeinn kom Gautaborg yfir á þriðju mínútu og á 38. mínútu var landsliðsframherjinn búinn að tvöfalda forystuna.

Fleiri urðu mörkin ekki en Kolbeinn lék í 63 mínútur fyrir Gautaborg sem er með fjögur stig eftir tvær umferðir.

Mikael Anderson spilaði síðasta hálftímann er FC Midtjylland gerði markalaust jafntefli við Randers í Danmörku.

Midtjylland er með 50 stig á toppi deildarinnar, fjórum stigum á undan Bröndby.