Tóku upp dans­mynd­band við Euro­vision lag Daða Freys á gossvæðinu

Þau Flosi Jón Ófeigsson, Caryna Gladys Bolívar Serge, Árný Eggertsdóttir og Hulda Hrönn Bartels Jónsdóttir, öll sjóðheitir Eurovisionaðdáendur slógu tvær flugur í einu höggi um helgina og nýttu sér gönguna að gosinu og tóku upp Zumba dans við lag Daða og Gagnamagnsins 10 years.

Flosi og Caryna kenna Zumba í Reebok Fitness og er orðinn hefð semja nokkrar rútínur við Eurovision lög ár hvert.

Flosi sem er einnig formaður FÁSES sem er skammstöfunin á Félagi Áhugafólks Um Söngvakeppni Evrópskra Sjónvarpsstöðva, segir í samtali við Vísi að aðdáendur deyja ekki ráðalausir þegar kemur að halda Eurovision andanum uppi. Það sé vissuleg vonbrigði að hitta ekki alla vini sína úti á keppninni sjálfri en það sé allt betra en að aflýsa keppninni eins og allir vita að sú var raunin var í fyrra.

FÁSES stefnir í hörku prógram í Eurovision vikunni og segir Flosi að verið sé að vinna í að hefja samstarf við stað þar sem aðdáendur geta hist og horft á allar þrjár keppninar með og troðfull dagskrá í kringum þær. Við viljum byggja upp stemnignuna þá vikuna og ætlum við að reyna að tjalda öllu til þegar við vonandi sjáum Daða og Gagnamagnið stíga á svið á úrslitakvöldinu. Flosi bendir á í lokin að heimasíða þeirra verði með púlsinn á öllu þegar æfingar hefjast 8. maí og hvetur alla til að fylgjast með.