Sigurmarkið kom á 62. mínútu en Ari Freyr Skúlason lagði þá upp fyrra markið fyrir Samuel Adegbenro. Ari Freyr hafði komið inn á tveimur mínútum áður.
Samuel Adegbenro bætti við öðru marki sínu og Norrköping fjórum mínútum fyrir leikslok og þar við sat. Lokatölur 2-0.
Norrköping hefur byrjað vel en liðið er með tíu stig eftir fyrstu fimm leikina og er í öðru sæti deildarinnar. AIK er með níu stig.
Ísak Bergmann Jóhannesson spilaði allan leikinn fyrir IFK.
62' Fransson hittar ut till Skúlason som piskar in ett inlägg som Adegbenro slänger sig fram och stöter in.#IFKAIK | 1–0 | #ifknorrköping ⚪️🔵
— IFK Norrköping (@ifknorrkoping) May 10, 2021
Esbjerg er endanlega úr leik í baráttunni um sæti í dönsku úrvalsdeildinni eftir 2-1 tap gegn Fredericia í dag.
Esbjerg er með 55 stig, tíu stigum á eftir Silkeborg og ellefu stigum á eftir toppliði Viborg en Ólafur Kristjánsson þjálfar Esbjerg.
Kjartan Henry Finnbogason spilaði allan leikinn fyrir Esbjerg en Andri Rúnar Bjarnason kom ekki við sögu.
Þetta þýðir að Patrik Sigurður Gunnarsson, Stefán Teitur Þórðarson og félagar í Silkeborg munu leika í deild þeirra bestu á næstu leiktíð en Patrik er þó á láni hjá Silkeborg.
Viborg og Silkeborg rykker op i Superligaen:https://t.co/7vFyE4M33C
— Ekstra Bladet Breaking (@ebbreaking) May 10, 2021
Rúnar Már Sigurjónsson var tekinn af velli í hálfleik er Cluj tapaði 1-0 gegn Sepsi OSK á heimavelli í Rúmeníu.
Cluj er þó enn á toppnum í meistarakeppninni en þeir eru með tveimur stigum meira en FC FCSB sem á þó leik til góða.