Þingmenn þungt hugsi eftir umfjöllun Kompáss: „Vægast sagt sláandi“ Birgir Olgeirsson og Nadine Guðrún Yaghi skrifa 18. maí 2021 16:15 Guðmundur Ingi Kristinsson, þingmaður Flokks fólksins, sagði sláandi til þess að vita að lögregla hafi hvorki haft tíma né mannafla til að fylgja eftir manni vopnuðum skammbyssu sem hann notaði um þremur vikum síðar til að myrða mann í Rauðagerði í febrúar. Vísir/Vilhelm Þingmönnum var mörgum hverjum mikið niðri fyrir þegar skipulögð glæpastarfsemi var rædd á þinginu í dag. Upphafsmaður umræðunnar var Sigmundur Davíð Gunnlaugsson formaður Miðflokksins sem telur ástæðu til að óttast að Íslendingar séu að missa tökin á skipulagðri glæpastarfsemi. „Umfang skipulagðrar glæpastarfsemi er þegar orðið umtalsvert á Íslandi. Íslensk stjórnvöld verða að bregðast við með afgerandi hætti, veita lögreglunni þau úrræði sem hún þarf á að halda. Við megum ekki við því að gera ástandið verra með breytingum sem auðvelda skipulagða glæpastarfsemi,“ sagði Sigmundur Davíð í ræðu sinni. Sigmundur Davíð Gunnlaugsson formaður Miðflokksins.Vísir/Vilhelm Hann telur að aðgerðir ríkisstjórnarinnar, á borð við frumvarp um um afglæpavæðingu neysluskammta og breytingar á á hælisleitendakerfinu, gangi þvert á það sem önnur Norðurlönd eru að gera til að koma í veg fyrir að kerfið sé misnotað af glæpagengjum. „Hér verður misnotkun kerfisins gerð enn meira aðlaðandi. Það verður auðveldara að tæla fólk hingað, selja því aðgang að kerfinu. Þessar breytingar ríkisstjórnarinnar eru gjöf til glæpagengja sem munu eiga auðveldara með að selja fíkniefnin og lögreglan erfiðara með að grípa inn í,“ sagði Sigmundur Davíð Gunnlaugsson. Hægt er að sjá fyrri umfjöllun Kompáss um skipulagða glæpastarfsemi hér: Í skötulíki Helga Vala Helgadóttir, þingmaður Samfylkingarinnar, sagði umræðuna um skipulagða glæpastarfsemi ágæta en taldi útgangspunkta Sigmundar Davíðs sérstaka. Helga Vala Helgadóttir þingmaður Samfylkingarinnar. Vísir/Vilhelm Helga Vala beindi orðum sínum að þeim aðbúnaði sem ríkisstjórnin býr eftirlitsstofnunum, lögreglu og skattrannsóknastjóra. „Af því það kom fram í mögnuðum þáttum um daginn, Kompásþáttum, að þeir sem best þekkja í þessum málaflokkum og starfa á þessum vettvangi segja að fjármagn, mannafli, aðbúnaður sem ríkisstjórn Íslands færi lögreglu og öðrum eftirlitsstofnunum, sé í skötulíki, því miður,“ sagði Helga Vala. Hún benti á að auknar fjárveitingar stjórnvalda til lögreglunnar dugi ekki til að koma til móts við styttingu vinnuvikunnar, hvað þá að berjast gegn skipulagðri glæpastarfsemi. „Við erum enn þá á þeim stað að það eru jafn margir lögreglumenn á Íslandi í dag og 2007, það eru nú öll ósköpin,“ sagði Helga Vala. Ekki hægt að stöðva mann með skammbyssu? Guðmundur Ingi Kristinsson, þingmaður Flokks fólksins, vitnaði einnig í umfjöllun Kompáss um skipulagða glæpastarfsemi og þann anga umfjöllunarinnar sem tók á Rauðagerðismálinu. Guðmundur Ingi Kristinsson þingmaður Flokks fólksins. Vísir/Vilhelm Rifjaði Guðmundur Ingi upp að lögregla hefði haft vitneskju um að maðurinn, sem gengist hefur við því að hafa myrt Armando Beqirai fyrir utan heimili hans í Rauðagerði í febrúar, hefði verið vopnaður skammbyssu um þremur vikum fyrir morðið. Lögregla hafi borið við að hún hefði hvorki haft tíma né mannafla til að fylgja málinu betur eftir. „Þetta er vægast sagt sláandi. Hvað er að í okkar samfélagi ef við getum ekki einu sinni séð til þess, þegar vitað er um mann á ferð með skammbyssu, að hægt sé að stöðva hann? Það segir okkur að það vantar fleiri lögreglumenn. Ég sá í nýlegri skýrslu að til þess að ná viðunandi fjölda lögreglumanna á Íslandi þyrfti sennilega að bæta við 180 lögreglumönnum hér á landi,“ sagði Guðmundur Ingi. Veruleiki sem eigi ekki að koma á óvart Karl Gauti Hjaltason, þingmaður Miðflokksins, sagði að morðinu hefði verið lýst sem aftöku í fjölmiðlum, og vitnaði þar í orð Þórönnu Helgu Gunnarsdóttur, ekkju Armando Beqirai, en hún lét þau falla í viðtali við Kompás. Karl Gauti Hjaltason þingmaður Miðflokksins. Vísir/Vilhelm Karl Gauti sagði að svo virtist vera sem þetta hefði verið einhverskonar uppgjör glæpahópa. Þjóðin hafi vaknað upp við nýjan veruleika sunnudagsmorguninn 14. febrúar en Karl Gauti vildi meina að þetta hefði ekki átt að koma fólki svo mikið á óvart. Hann sagði greiningardeild Ríkislögreglustjóra hafa bent á þessa hættu í skýrslu eftir skýrslu. Karl Gauti sagði þætti Kompáss um málefnið hafa verið afar fróðlega þar sem kom fram að aukin harka hefði færst í undirheimana á Íslandi. Tug milljarða viðskipti væru stunduð með fíkniefni og að tryggingasvik væri orðin þaulskipulögð. Hann sagði viðbrögð hafa skellt við skolleyrum þegar varað hefði verið þessari hættu undanfarin ár. Hægt er að sjá seinni hluta Kompás um skipulagða glæpastarfsemi hér þar sem rætt er við Þórönnu Helgu: Fjöldi aðgerða Áslaug Arna Sigurbjörnsdóttir dómsmálaráðherra sagði mjög skýra forgangsröðun hjá henni, ráðuneytinu og lögreglunni í baráttunni gegn skipulagðri glæpastarfsemi. Áslaug Arna Sigurbjörnsdóttir dómsmálaráðherra. Vísir/Vilhelm Hún sagði ríkisstjórnina hafa aukið fjármuni til lögreglunnar á nokkrum árum úr 14 milljörðum í 17 milljarða. Áslaug benti á að embætti Ríkislögreglustjóra hefði komið með ábendingar um að breyta reglugerð um rannsókn sakamála þannig að unnt verður að beita aðferðum á fyrri stigum rannsókna sem geti verið afar mikilvægt í rannsóknum sem varða skipulagða brotastarfsemi. Hún nefndi einnig fjölda frumvarpa sem samþykkt hafa verið á Alþingi og nefndi þar lög sem varða peningaþvætti, mansal og framsal sakamanna. Áslaug sagði kapp lagt á að bæta stöðu lögreglunnar svo hún hafi áfram þá burði og þann búnað sem þarf til að sinna þessum málum. Kompás Alþingi Lögreglumál Morð í Rauðagerði Tengdar fréttir „Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00 Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01 Mest lesið Leggur viðskiptaþvinganir á rússneska olíurisa Erlent Kröfur kvennaárs komnar í innheimtu og gjalddaginn fallinn Innlent Segir tilvalin íbúðasvæði opnast með Sundabraut Innlent Niðurrif hafið á gamla Morgunblaðshúsinu Innlent Næstum öllum sagt upp hjá dótturfélagi Play Innlent Hafa drepið 34 í árásum á meinta smyglara Erlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Skora á ráðherra og segir skjaldborg slegið um vændiskaupendur Innlent Klórar sér í kollinum yfir kvennaverkfallinu Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira
„Umfang skipulagðrar glæpastarfsemi er þegar orðið umtalsvert á Íslandi. Íslensk stjórnvöld verða að bregðast við með afgerandi hætti, veita lögreglunni þau úrræði sem hún þarf á að halda. Við megum ekki við því að gera ástandið verra með breytingum sem auðvelda skipulagða glæpastarfsemi,“ sagði Sigmundur Davíð í ræðu sinni. Sigmundur Davíð Gunnlaugsson formaður Miðflokksins.Vísir/Vilhelm Hann telur að aðgerðir ríkisstjórnarinnar, á borð við frumvarp um um afglæpavæðingu neysluskammta og breytingar á á hælisleitendakerfinu, gangi þvert á það sem önnur Norðurlönd eru að gera til að koma í veg fyrir að kerfið sé misnotað af glæpagengjum. „Hér verður misnotkun kerfisins gerð enn meira aðlaðandi. Það verður auðveldara að tæla fólk hingað, selja því aðgang að kerfinu. Þessar breytingar ríkisstjórnarinnar eru gjöf til glæpagengja sem munu eiga auðveldara með að selja fíkniefnin og lögreglan erfiðara með að grípa inn í,“ sagði Sigmundur Davíð Gunnlaugsson. Hægt er að sjá fyrri umfjöllun Kompáss um skipulagða glæpastarfsemi hér: Í skötulíki Helga Vala Helgadóttir, þingmaður Samfylkingarinnar, sagði umræðuna um skipulagða glæpastarfsemi ágæta en taldi útgangspunkta Sigmundar Davíðs sérstaka. Helga Vala Helgadóttir þingmaður Samfylkingarinnar. Vísir/Vilhelm Helga Vala beindi orðum sínum að þeim aðbúnaði sem ríkisstjórnin býr eftirlitsstofnunum, lögreglu og skattrannsóknastjóra. „Af því það kom fram í mögnuðum þáttum um daginn, Kompásþáttum, að þeir sem best þekkja í þessum málaflokkum og starfa á þessum vettvangi segja að fjármagn, mannafli, aðbúnaður sem ríkisstjórn Íslands færi lögreglu og öðrum eftirlitsstofnunum, sé í skötulíki, því miður,“ sagði Helga Vala. Hún benti á að auknar fjárveitingar stjórnvalda til lögreglunnar dugi ekki til að koma til móts við styttingu vinnuvikunnar, hvað þá að berjast gegn skipulagðri glæpastarfsemi. „Við erum enn þá á þeim stað að það eru jafn margir lögreglumenn á Íslandi í dag og 2007, það eru nú öll ósköpin,“ sagði Helga Vala. Ekki hægt að stöðva mann með skammbyssu? Guðmundur Ingi Kristinsson, þingmaður Flokks fólksins, vitnaði einnig í umfjöllun Kompáss um skipulagða glæpastarfsemi og þann anga umfjöllunarinnar sem tók á Rauðagerðismálinu. Guðmundur Ingi Kristinsson þingmaður Flokks fólksins. Vísir/Vilhelm Rifjaði Guðmundur Ingi upp að lögregla hefði haft vitneskju um að maðurinn, sem gengist hefur við því að hafa myrt Armando Beqirai fyrir utan heimili hans í Rauðagerði í febrúar, hefði verið vopnaður skammbyssu um þremur vikum fyrir morðið. Lögregla hafi borið við að hún hefði hvorki haft tíma né mannafla til að fylgja málinu betur eftir. „Þetta er vægast sagt sláandi. Hvað er að í okkar samfélagi ef við getum ekki einu sinni séð til þess, þegar vitað er um mann á ferð með skammbyssu, að hægt sé að stöðva hann? Það segir okkur að það vantar fleiri lögreglumenn. Ég sá í nýlegri skýrslu að til þess að ná viðunandi fjölda lögreglumanna á Íslandi þyrfti sennilega að bæta við 180 lögreglumönnum hér á landi,“ sagði Guðmundur Ingi. Veruleiki sem eigi ekki að koma á óvart Karl Gauti Hjaltason, þingmaður Miðflokksins, sagði að morðinu hefði verið lýst sem aftöku í fjölmiðlum, og vitnaði þar í orð Þórönnu Helgu Gunnarsdóttur, ekkju Armando Beqirai, en hún lét þau falla í viðtali við Kompás. Karl Gauti Hjaltason þingmaður Miðflokksins. Vísir/Vilhelm Karl Gauti sagði að svo virtist vera sem þetta hefði verið einhverskonar uppgjör glæpahópa. Þjóðin hafi vaknað upp við nýjan veruleika sunnudagsmorguninn 14. febrúar en Karl Gauti vildi meina að þetta hefði ekki átt að koma fólki svo mikið á óvart. Hann sagði greiningardeild Ríkislögreglustjóra hafa bent á þessa hættu í skýrslu eftir skýrslu. Karl Gauti sagði þætti Kompáss um málefnið hafa verið afar fróðlega þar sem kom fram að aukin harka hefði færst í undirheimana á Íslandi. Tug milljarða viðskipti væru stunduð með fíkniefni og að tryggingasvik væri orðin þaulskipulögð. Hann sagði viðbrögð hafa skellt við skolleyrum þegar varað hefði verið þessari hættu undanfarin ár. Hægt er að sjá seinni hluta Kompás um skipulagða glæpastarfsemi hér þar sem rætt er við Þórönnu Helgu: Fjöldi aðgerða Áslaug Arna Sigurbjörnsdóttir dómsmálaráðherra sagði mjög skýra forgangsröðun hjá henni, ráðuneytinu og lögreglunni í baráttunni gegn skipulagðri glæpastarfsemi. Áslaug Arna Sigurbjörnsdóttir dómsmálaráðherra. Vísir/Vilhelm Hún sagði ríkisstjórnina hafa aukið fjármuni til lögreglunnar á nokkrum árum úr 14 milljörðum í 17 milljarða. Áslaug benti á að embætti Ríkislögreglustjóra hefði komið með ábendingar um að breyta reglugerð um rannsókn sakamála þannig að unnt verður að beita aðferðum á fyrri stigum rannsókna sem geti verið afar mikilvægt í rannsóknum sem varða skipulagða brotastarfsemi. Hún nefndi einnig fjölda frumvarpa sem samþykkt hafa verið á Alþingi og nefndi þar lög sem varða peningaþvætti, mansal og framsal sakamanna. Áslaug sagði kapp lagt á að bæta stöðu lögreglunnar svo hún hafi áfram þá burði og þann búnað sem þarf til að sinna þessum málum.
Kompás Alþingi Lögreglumál Morð í Rauðagerði Tengdar fréttir „Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00 Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01 Mest lesið Leggur viðskiptaþvinganir á rússneska olíurisa Erlent Kröfur kvennaárs komnar í innheimtu og gjalddaginn fallinn Innlent Segir tilvalin íbúðasvæði opnast með Sundabraut Innlent Niðurrif hafið á gamla Morgunblaðshúsinu Innlent Næstum öllum sagt upp hjá dótturfélagi Play Innlent Hafa drepið 34 í árásum á meinta smyglara Erlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Skora á ráðherra og segir skjaldborg slegið um vændiskaupendur Innlent Klórar sér í kollinum yfir kvennaverkfallinu Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira
„Þetta var bara aftaka“ Þóranna Helga Gunnarsdóttir, ekkja Armando Beqirai, telur yfirvöld hafa brugðist. Hún er gagnrýnin á að lögregla hafi haft upplýsingar um að sá sem gengist hefur við morðinu hafi verið vopnaður skammbyssu þremur vikum áður og verið á Íslandi þrátt fyrir að vera eftirlýstur í heimalandi. 4. maí 2021 08:00
Óttast að lenda undir gegn þaulskipulögðum glæpahópum Aukin harka, þaulskipulögð tryggingasvik og tugmilljarða fíkniefnaviðskipti einkenna nú undirheima Íslands. 3. maí 2021 08:01