Íslenski boltinn

Delan­ey skaut ÍBV á­fram í Mjólkur­bikarnum

Anton Ingi Leifsson skrifar
ÍBV er komið áfram í næstu umferð bikarsins.
ÍBV er komið áfram í næstu umferð bikarsins.

ÍBV er komið í átta liða úrslit Mjólkurbikar kvenna eftir 2-1 sigur á Stjörnunni er liðin mættust í Garðabæ í kvöld.

ÍBV fékk vítaspyrnu á átjándu mínútu og úr henni skoraði hin bandaríska Delaney Baie Pridham.

Delaney Baie Pridham var aftur á ferðinni er hún tvöfaldaði forystuna stundarfjórðungi fyrir leikslok.

Alma Mathiesen minnkaði muninn fjórum mínútum síðar en nær komust heimastúlkur ekki og lokatölur 2-1.

ÍBV er annað liðið í undanúrslitin en í gær tryggði Þróttur sér sæti í átta liða úrslitunum með 7-1 sigri á Fjarðabyggð/Hetti/Leikni.

Mjólkurbikarinn er á Stöð 2 Sport en upplýsingar um útsendingar má finna hér. Mjólkurbikarinn er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Mjólkurbikarinn ÍBV Stjarnan

Mest lesið


Fleiri fréttir

Sjá meira


×

Mest lesið