Vilja segja sig frá umsjón fjármála Spears

Hólmfríður Gísladóttir og skrifa 2. júlí 2021 07:14

Það er enn óútkljáð hvort Spears fær aftur sjálfsforræði. epa/Christian Liliendahl

Fjármálafyrirtækið Bessemer Trust, sem fer með umboð yfir fjármálum poppstjörnunar Britney Spears í sameiningu með föður hennar, hefur farið fram á það við dómstóla að losna undan fyrirkomulaginu.

Ástæðuna segja talsmenn fyrirtækisins vitnisburðinn sem Spears gaf fyrir dómstólum á dögunum, þar sem hún greindi frá þeim áhrifum sem sjálfræðissviptingin hefði haft á sig og sagðist vilja endurheimta frelsið til að stjórna sér sjálf.

Í umsókn forsvarsmanna fyrirtækisins segir að þeir hafi tekið verkefnið að sér á þeirri forsendu að poppstjarnan hefði gengist viljug undir fyrirkomulagið. Nú væri annað komið í ljós og þeir virtu vilja Spears til að verða sjálfráða á ný.

Dómstóll úrskurðaði í vikunni að faðir Spears, Jamie, yrði áfram fjárhaldsmaður hennar en hið stærra álitamál, hvort söngkonan er hæf til að taka ákvarðanir um eigin líf og hag, er óútkljáð.

Bandaríkin Sjálfræðisbarátta Britney Spears Hollywood

Tengdar fréttir

Britney verður áfram á valdi föður síns

Dómari í sjálfræðismáli söngkonunnar Britney Spears tilkynnti í gær að faðir hennar, Jamie Spears, verði áfram með fjárhagslegt vald yfir henni. Vika er síðan Britney flutti tilfinningaríka ræðu fyrir dómara í Los Angeles og var niðurstaðan kveðin upp í gær.

1. júlí 2021 11:34

Samsæriskenningin sem reyndist sönn

„Þetta var bara bomba,“ segir Elva Björk Ágústsdóttir sálfræðingur um vitnisburð söngkonunnar Britney Spears fyrir helgi. Elva Björg heldur úti hlaðvarpinu Poppsálin og fór hún yfir Britney málið í Bítinu á Bylgjunni í dag.

28. júní 2021 12:30

Telja tilfinningalegt uppnám ekki eiga eftir að hjálpa Britney

Bandarískir lögmenn telja að tilfinningalegt uppnám söngkonunnar Britney Spears í málflutningi sínum fyrir dómstólum í vikunni hafi ekki verið henni til hagsbóta. Britney var svipt frelsi sínu árið 2008 og var þetta í fyrsta skipti sem hún tjáði sig um málið fyrir rétti.

27. júní 2021 12:45

Biður aðdáendur sína afsökunar á að hafa „þóst hafa verið í lagi“

Bandaríska söngkonan Britney Spears hefur beðið aðdáendur sína afsökunar á að hafa „þóst hafa verið í lagi“, á sama tíma og hún hafi þurft að þola að vera undir forræði föður síns sem hafi misnotað það vald sem honum var falið.

25. júní 2021 08:48

Timberlake og aðrar stjörnur lýsa yfir stuðningi við Britney

Margir þekktir einstaklingar hafa stigið fram á samfélagsmiðlum í kjölfar vitnisburðar tónlistarkonunnar Britney Spears í gær og lýst yfir stuðningi við hana.

24. júní 2021 07:13

„Ég hef logið því að heiminum að allt sé í lagi og mér líði vel“

Britney Spears tjáði sig í dag í fyrsta skipti opinberlega um líf sitt undir ákvörðunarvaldi föður síns frá því að hún var svipt sjálfræði árið 2008. Hún kom fyrir dómara í Los Angeles í dag í opnum réttarhöldum þar sem hún fer fram á að endurheimta sjálfræði sitt.

23. júní 2021 22:19

Britney segist hrædd við pabba sinn og vill sjálfræði

Britney Spears hefur hvatt dómstóla í Kaliforníu í Bandaríkjunum til að gera breytingar á því hver fari með fjárhald yfir henni. Faðir hennar hefur verið fjárhaldsmaður hennar í þrettán ár og hefur einnig, á tíma, farið með forræði yfir henni.

23. júní 2021 12:31