Ævintýraveröld Kötlujökuls: Íshellirinn hrundi og þá var bara boginn eftir Sylvía Rut Sigfúsdóttir skrifar 22. ágúst 2021 07:01 Íshellarnir í Kötlujökli eru mjög svartir og dökkir þar sem þar er svo mikið af ösku úr Kötlu. Þú sérð ekki þennan bláa tæra ís eins og í mörgum öðrum íshellum á landinu. Þessir hellar eru fullir af ösku úr Kötlugosum. Vísir/RAX Þegar íshellar hrynja stendur stundum aðeins bogi eftir. Þeir geta þó hrunið algjörlega fyrirvaralaust. Ragnar Axelsson ljósmyndari okkar myndaði slíkan ísboga fyrr í mánuðinum þegar hann var á svæðinu ásamt Benedikt Bragasyni sauðfjárbónda á Ytri-Sólheimum. Myndaþátt RAX má sjá hér fyrir neðan. Askan setur drungalegan svip á svæðið.Vísir/RAX Þegar ljósmyndarinn kom aftur sjö dögum síðar var boginn hruninn. Einu leifarnar af íshellinum var klakahrúga á jörðu niðri. „Það var þoka þegar ég kom að jöklinum og þetta var eins og að stíga inn í bíómynd, eins og í annan heim,“ segir RAX um aðstæðurnar við Kötlujökul. LJósmyndirnar minna á skot úr Kötlu þáttum Baltasars Kormáks. Vísir/RAX „Þegar einn er horfinn er gáð að öðrum, yfirleitt eru alltaf einhverjir hellar þarna,“ segir Benni. „Það eru ótrúlega falleg munstur sem verða í hellunum í undraveröld jökulsins og þarna sér maður öskulögin úr eldgosum. Það er hægt að lesa öskulögin í jöklinum eins og bók, þessi bók er að bráðna,“ segir RAX. Hér sést boginn þegar RAX fór þangað í fyrri ferðina sína í ágúst. Vísir/RAX „Þessi flotti íshellir hrundi og þá var bara boginn eftir. Það er alveg stórkostlegt að sjá þetta en hann hefur hopað alveg ótrúlega mikið á stuttum tíma og hann er náttúrulega að þynnast,“ segir RAX sem hefur skrásett bráðnun jöklanna síðustu árin. „Íshellar eins og þarna eru yfirleitt rásir eftir rennandi vatn, svo er jökullinn alltaf á hreyfingu fram. Í þessu tilfelli hefur verið dálítið þykkur ísinn þar sem að hann var fremstur í hellinum. Svo fellur loftið niður og þá verður þessi ísspöng eftir,“ útskýrir Benedikt, oftast kallaður Benni. Hér er boginn fallinn. Svæði sem þessi geta verið einstaklega hættuleg þó að þeir hafi mikið aðdráttarafl og fólk vilji skiljanlega skoða.Vísir/RAX Þeir segja ómögulegt að segja til um það hversu margir íshellar eru á svæðinu, því margir hafa ekki komið í ljós og svo hrynja þeir líka jafn reglulega líkt og nýir finnast. Benni segir að þrátt fyrir marga áratugi á jöklum, séu þeir alltaf að koma honum á óvart. Vísir/Samsett „Mín fyrsta hugsun var, ég er í Lord of the Rings. Þetta var risa geimur og ég fór þarna undir og inn, það er ekki ráðlegt samt,“ segir RAX og ítrekar að fólk eigi alls ekki að fara í hella sem þessa án einstaklinga sem þekkja til á svæðinu og geta metið aðstæður. Benedikt tekur líka undir þetta. „Ef eitthvað fer að hrynja geta þeir metið þetta manna best, hvenær þetta er að verða hættulegt. Þeir vita þó aldrei nákvæmlega við hverju er að búast.“ Undraveröld Kötlujökuls er engu lík.Vísir/RAX „Þetta er eins og að ganga inn í einhvern undraheim og maður beið eftir Gollum, litla sköllótta gæjanum með hringinn,“ segir RAX og hlær. „Þú upplifir breytingarnar á heiminum, þetta gerist svo hratt. Þessir íshellar eru undraheimur þegar þeir opnast, þetta er undraveröld, þú ert að horfa inn í átta hundruð ára ís. Kannski finnur þú sverð Ingólfs Arnarsonar þarna. Snjór sem snjóaði þegar landnámsmenn komu er að bráðna núna,“ bætir hann við. Lítið sem ekkert eftir af hellinum sem var þarna í sumar.Vísir/RAX „Það voru Norðmenn með mér í för og þeir bara göptu, þeir áttu ekki til orð. Upplifunin að vera þarna er svo sterk. Eins og ef þú skoðar eldgos, engin mynd mun fanga hvernig tilfinning það er að vera þarna og sjá það,“ segir RAX. „Þetta er svolítið ógnvekjandi,“ viðurkennir Benni. „Að vera inni í íshelli sem er í raun mjög óstöðugt fyrirbæri og getur fallið saman þess vegna. Íshellarnir á Kötlujökli eru mjög breytilegir,“ segir Benni og bætir við: „Það er aldrei alveg öruggt eða óhætt að fara inn í íshelli.“ Benni segir að andrúmsloftið þarna sé einfaldlega alveg magnað og hafa þeir félagarnir nú náð að sannfæra blaðamann um að heimsækja íshellana í Kötlujökli sem fyrst.Vísir/RAX Benni hefur líkt og RAX mikinn áhuga á íslensku jöklunum. „Ég er búin að vera með jöklaferðir upp á Mýrdalsjökul í mörg ár. Ég er búin að vera á jöklum í hátt í þrjátíu ár. Þangað sem við vorum við Kötlujökul við Ragnar, hef ég verið að fara með fólk í mörg ár. Það hefur verið hliðarvinna hjá mér að fara þangað með fólk. Nú eru fyrirtæki byrjuð að vera með skipulagðar ferðir í þessa íshella og það er mjög gaman að því. Þetta er alveg magnað umhverfi fyrir okkur Íslendinga og fyrir útlendinga er þetta algjörlega úr öðrum heimi.“ RAX Ljósmyndun Loftslagsmál Mýrdalshreppur Mest lesið Freðinn faðir, fáránlegir fasistar og fyrsta flokks bíó Gagnrýni Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist „Ákvað að skilja hana eftir þar og athuga hversu langt ég kæmist“ Lífið Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira
Ragnar Axelsson ljósmyndari okkar myndaði slíkan ísboga fyrr í mánuðinum þegar hann var á svæðinu ásamt Benedikt Bragasyni sauðfjárbónda á Ytri-Sólheimum. Myndaþátt RAX má sjá hér fyrir neðan. Askan setur drungalegan svip á svæðið.Vísir/RAX Þegar ljósmyndarinn kom aftur sjö dögum síðar var boginn hruninn. Einu leifarnar af íshellinum var klakahrúga á jörðu niðri. „Það var þoka þegar ég kom að jöklinum og þetta var eins og að stíga inn í bíómynd, eins og í annan heim,“ segir RAX um aðstæðurnar við Kötlujökul. LJósmyndirnar minna á skot úr Kötlu þáttum Baltasars Kormáks. Vísir/RAX „Þegar einn er horfinn er gáð að öðrum, yfirleitt eru alltaf einhverjir hellar þarna,“ segir Benni. „Það eru ótrúlega falleg munstur sem verða í hellunum í undraveröld jökulsins og þarna sér maður öskulögin úr eldgosum. Það er hægt að lesa öskulögin í jöklinum eins og bók, þessi bók er að bráðna,“ segir RAX. Hér sést boginn þegar RAX fór þangað í fyrri ferðina sína í ágúst. Vísir/RAX „Þessi flotti íshellir hrundi og þá var bara boginn eftir. Það er alveg stórkostlegt að sjá þetta en hann hefur hopað alveg ótrúlega mikið á stuttum tíma og hann er náttúrulega að þynnast,“ segir RAX sem hefur skrásett bráðnun jöklanna síðustu árin. „Íshellar eins og þarna eru yfirleitt rásir eftir rennandi vatn, svo er jökullinn alltaf á hreyfingu fram. Í þessu tilfelli hefur verið dálítið þykkur ísinn þar sem að hann var fremstur í hellinum. Svo fellur loftið niður og þá verður þessi ísspöng eftir,“ útskýrir Benedikt, oftast kallaður Benni. Hér er boginn fallinn. Svæði sem þessi geta verið einstaklega hættuleg þó að þeir hafi mikið aðdráttarafl og fólk vilji skiljanlega skoða.Vísir/RAX Þeir segja ómögulegt að segja til um það hversu margir íshellar eru á svæðinu, því margir hafa ekki komið í ljós og svo hrynja þeir líka jafn reglulega líkt og nýir finnast. Benni segir að þrátt fyrir marga áratugi á jöklum, séu þeir alltaf að koma honum á óvart. Vísir/Samsett „Mín fyrsta hugsun var, ég er í Lord of the Rings. Þetta var risa geimur og ég fór þarna undir og inn, það er ekki ráðlegt samt,“ segir RAX og ítrekar að fólk eigi alls ekki að fara í hella sem þessa án einstaklinga sem þekkja til á svæðinu og geta metið aðstæður. Benedikt tekur líka undir þetta. „Ef eitthvað fer að hrynja geta þeir metið þetta manna best, hvenær þetta er að verða hættulegt. Þeir vita þó aldrei nákvæmlega við hverju er að búast.“ Undraveröld Kötlujökuls er engu lík.Vísir/RAX „Þetta er eins og að ganga inn í einhvern undraheim og maður beið eftir Gollum, litla sköllótta gæjanum með hringinn,“ segir RAX og hlær. „Þú upplifir breytingarnar á heiminum, þetta gerist svo hratt. Þessir íshellar eru undraheimur þegar þeir opnast, þetta er undraveröld, þú ert að horfa inn í átta hundruð ára ís. Kannski finnur þú sverð Ingólfs Arnarsonar þarna. Snjór sem snjóaði þegar landnámsmenn komu er að bráðna núna,“ bætir hann við. Lítið sem ekkert eftir af hellinum sem var þarna í sumar.Vísir/RAX „Það voru Norðmenn með mér í för og þeir bara göptu, þeir áttu ekki til orð. Upplifunin að vera þarna er svo sterk. Eins og ef þú skoðar eldgos, engin mynd mun fanga hvernig tilfinning það er að vera þarna og sjá það,“ segir RAX. „Þetta er svolítið ógnvekjandi,“ viðurkennir Benni. „Að vera inni í íshelli sem er í raun mjög óstöðugt fyrirbæri og getur fallið saman þess vegna. Íshellarnir á Kötlujökli eru mjög breytilegir,“ segir Benni og bætir við: „Það er aldrei alveg öruggt eða óhætt að fara inn í íshelli.“ Benni segir að andrúmsloftið þarna sé einfaldlega alveg magnað og hafa þeir félagarnir nú náð að sannfæra blaðamann um að heimsækja íshellana í Kötlujökli sem fyrst.Vísir/RAX Benni hefur líkt og RAX mikinn áhuga á íslensku jöklunum. „Ég er búin að vera með jöklaferðir upp á Mýrdalsjökul í mörg ár. Ég er búin að vera á jöklum í hátt í þrjátíu ár. Þangað sem við vorum við Kötlujökul við Ragnar, hef ég verið að fara með fólk í mörg ár. Það hefur verið hliðarvinna hjá mér að fara þangað með fólk. Nú eru fyrirtæki byrjuð að vera með skipulagðar ferðir í þessa íshella og það er mjög gaman að því. Þetta er alveg magnað umhverfi fyrir okkur Íslendinga og fyrir útlendinga er þetta algjörlega úr öðrum heimi.“
RAX Ljósmyndun Loftslagsmál Mýrdalshreppur Mest lesið Freðinn faðir, fáránlegir fasistar og fyrsta flokks bíó Gagnrýni Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist „Ákvað að skilja hana eftir þar og athuga hversu langt ég kæmist“ Lífið Markmiðið að græða ekkert og „helst tapa pening“ Menning Flugfreyja, íþróttakona og ráðherra breyttu leiknum Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira