Svona var blaðamannafundur KSÍ

Arnar Þór Viðarsson og Jóhann Berg Guðmundsson sátu fyrir svörum á blaðamannafundinum. Útsendingu frá honum má sjá í spilaranum hér fyrir neðan. Neðst í fréttinni má svo nálgast beina textalýsingu frá fundinum.

Ísland mætir Þýskalandi á Laugardalsvelli annað kvöld. Þetta er síðasti leikur Íslendinga í þessari landsleikjahrinu.

Ísland er með fjögur stig í 5. sæti J-riðils undankeppni HM en Þýskaland er á toppi hans með tólf stig. Þjóðverjar unnu fyrri leikinn gegn Íslendingum með þremur mörkum gegn engu.

Að hans sögn Arnars Þórs eru allir leikmenn íslenska liðsins klárir í leikinn á morgun. Jóhann Berg, sem missti af leiknum gegn Norður-Makedóníu á sunnudaginn, æfði í dag og í gær og er leikfær.

Leikur Íslands og Þýskalands hefst klukkan 18:45 á morgun og verður í beinni textalýsingu á Vísi.