Körfubolti

Tuttugu stig Söru dugðu ekki til

Hjörtur Leó Guðjónsson skrifar
Sara Rún Hinriksdóttir skoraði tuttugu stig fyrir Phoenix Constanta í rúmensku deildinni í dag.
Sara Rún Hinriksdóttir skoraði tuttugu stig fyrir Phoenix Constanta í rúmensku deildinni í dag. VÍSIR/BÁRA

Sara Rún Hinriksdóttir og liðsfélagar hennar í Phoenix Constanta þurftu að sætta sig við níu stiga tap gegn Cluj Napoca í rúmensku deildinni í körfubolta í dag. Lokatölur 66-57, en Sara var stigahæsti leikmaður vallarins.

Mikið jafnræði var með liðunum framan af leik, en þegar flautað var til hálfleiks var staðan 37-34, Cluj í vil.

Sara og liðsfélagar hennar áttu ekki góðan þriðja leikhluta, en liðið skoraði ekki nema tíu stig gegn tuttugu stigum Cluj. 

Þrátt fyrir fínan fjórða leikhluta náði Phoenix ekki að brúa bilið og lokatölur urðu 66-57. Sara Rún var stigahæsti leikmaður vallarins með tuttugu stug, en hún gaf einnig þrjár stoðsendingar og tók átta fráköst.

Körfubolti

Mest lesið


Fleiri fréttir

Sjá meira


×

Mest lesið