Handbolti

Haukar í frábærum málum fyrir seinni leikinn

Hjörtur Leó Guðjónsson skrifar
Darri Aronsson var markahæstur í liði Hauka í dag.
Darri Aronsson var markahæstur í liði Hauka í dag. vísir/bára

Haukar heimsóttu kýpverska liðið Parnassos Strovolou í annarri umferð Evrópubikarkeppninnar í handbolta í dag. Þetta var fyrri leikur liðanna, en Haukar fara með 11 marka forskot í seinni leikinn eftir stórsigur, 25-14.

Haukar höfðu yfirhöndina mest allan leikinn, en eftir fyrri hálfleikinn var staðan 13-9, Haukum í vil.

Í seinni hálfleik tóku Haukarnir sig til og gjörsamlega keyrðu yfir Parnassos Strovolou. Heimamenn skoruðu ekki nema fimm mörk í öllum seinni hálfleik, og Haukar unnu því að lokum 11 marka sigur, 25-14.

Darri Arons­son var marka­hæst­ur Hauka með sex mörk og skammt þar á eft­ir kom Stefán Rafn Sig­ur­manns­son með fimm mörk.

Aron Rafn Eðvarðsson fór á kostum í marki Hauka, en hann varði 15 bolta.

Seinni leikur liðanna fer fram á morgun, en sá leikur verður leikinn á sama stað og í dag, á Níkósíu á Kýpur.

Handbolti Haukar

Mest lesið


Fleiri fréttir

Sjá meira


×

Mest lesið