Kyler Murray og félagar í Arizona Cardinals mættu til leiks á móti Cleveland Browns án þjálfara sína þar sem Kliff Kingsbury fékk kórónuveiruna. Það háði liðinu ekki mikið því Murray var frábær og Cardinals vann 37-14 sigur. Murray átti fjórar snertimarkssendingar í leiknum.
Another day, another easy TD for @DeAndreHopkins. #RedSea
— NFL (@NFL) October 17, 2021
: #AZvsCLE on FOX
: NFL app pic.twitter.com/BAoty4lAOm
Patrick Mahomes, tengdasonur Mosfellsbæjar, hefur verið í tómu veseni að undanförnu og þetta leit ekki vel út hjá Kansas City Chiefs á móti Washington Football Team eftir að Mahomes kastaði boltanum tvisvar frá sér í fyrri hálfleik.
Mahomes og félagar vöknuðu í hálfleik og keyrðu yfir Washington menn eftir hlé þar sem leikstjórnandi snjalli átti meðal annars þrjár snertimarkssendingar. Chiefs komst þar með aftur í fimmtíu prósent sigurhlutfall.
.@PatrickMahomes connects with @Demarcus for the score! #ChiefsKingdom
— NFL (@NFL) October 17, 2021
: #KCvsWAS on CBS
: NFL app pic.twitter.com/x4OGvvoFTC
Green Bay Packers vann 24-14 sigur í nágrannaslag á útivelli á móti Chicago Bears. Aaron Rodgers átti tvær snertimarkssendingar og gerði síðan út um leikinn með því að skora sjálfur eitt snertimark í lokin. Í framhaldinu hljóp hann í átt að Chicago stúkunni og öskraði að hann ætti þau ennþá. Þetta var fimmti sigur Packers liðsins í röð og Rodgers hefur unnið 22 af 27 leikjum sínum á ferlinum á móti Chicago Bears.
BAD MAN. @AaronRodgers12
— NFL (@NFL) October 17, 2021
: #GBvsCHI on FOX
: NFL app pic.twitter.com/lHghsq962t
Baltimore Ravens liðið er líka á miklu skriði og fór illa með Los Angeles Chargers í 34-6 sigri. Þetta var fimmti sigur Ravens manna í röð. Chargers var búið að vinna þrjá leiki í röð og skoraði 42 stig í leiknum á undan. Leikstjórnandinn ungi Justin Herbert og félagar hans komust ekkert áfram og gamalreyndu hlaupararnir Latavius Murray, Le’Veon Bell og Devonta Freeman skoruðu allir snertimörk fyrir Hrafnana.
The game-winner. #DallasCowboys #DALvsNE pic.twitter.com/nXRLKtzO4T
— NFL (@NFL) October 17, 2021
Dallas Cowboys vann sinn fimmta leik í röð en þurfti framlengingu til að landa sigri á móti New England Patriots. Útherjinn kórónaði stórleik sinn með því að skora snertimarkið sem tryggði sigurinn í framlengingunni eftir frábæra sendingu frá Dak Prescott.
Matthew Stafford átti þrjár af fjórum snertimarkssendingum sínum í 28 stiga öðrum leikhluta þegar Los Angeles Rams vann 38-11 sigur á meiðslahjáðu liði New York Giants. Útherjinn Cooper Kupp skoraði tvö af þessum snertimörkum. Rams hefur unnið 5 af 6 leikjum sínum á tímabilinu.
Jacksonville Jaguars tókst að endan tuttugu leikja taphrinu sínu, þá næstlengstu í sögu NFL, með því að vinna 23-20 sigur á Miami Dolphins í leik sem var spilaður í London. Sparkarinn Matthew Wright tryggði sigurinn með 53 jarda vallarmarki um leið og leiktíminn rann út eftir að hafa jafnað metin með öðru 54 jarda vallarmarki fyrr í lokaleikhlutanum.
Every touchdown from NFL RedZone in Week 6! pic.twitter.com/Aop779ehBH
— NFL (@NFL) October 18, 2021
- Úrslitin í NFL-deildinni í gær:
- (Útiliðið er á undan)
- Miami Dolphins 20-23 Jacksonville Jaguars
- Green Bay Packers 24-14 Chicago Bears
- Los Angeles Rams 38-11 New York Giants
- Houston Texans 3-31 Indianapolis Colts
- Cincinnati Bengals 34-11 Detroit Lions
- Kansas City Chiefs 31-13 Washington Football Team
- Los Angeles Chargers 6-34 Baltimore Ravens
- Minnesota Vikings 34-28 Carolina Panthers (Framlenging)
- Arizona Cardinals 37-14 Cleveland Browns
- Las Vegas Raiders 34-24 Denver Broncos
- Dallas Cowboys 35-29 New England Patriots (Framlenging)
Seattle Seahawks 20-23 Pittsburgh Steelers (Framlenging)