Lög­regla rann­sakar sprengingu á Vestur­landi

Vefmiðillinn Skessuhorn greinir frá því að eftir myrkur á fimmtudagskvöld hafi verið unnið að sprengingum milli bæjanna Syðstu-Fossa í Andakíl og Hálsa í Skorradal og að vísbendingar séu um að verklagsreglur um slíkar framkvæmdir hafi verið brotnar.

Þannig hafi lögreglu ekki verið gert viðvart um framkvæmdirnar, veginum sem unnið var við hafi ekki verið lokað og engar viðvaranir settar upp.

Skessuhorn hefur eftir fólki á svæðinu að sprengingin hafi verið svo öflug að sumir hafi talið að stífla Andakílsár hefði brostið. Þá hafi stórgrýti farið á veginn við sprenginguna með þeim afleiðingum að hann lokaðist. Því hafi vegfarendur ekki verið upplýstir um hættuna og ekið utan í grjót á veginum.

Skömmu eftir sprenginguna hafi verið rudd rás í veginn og merkingum komið fyrir. Í kjölfarið hafi mikið magn grjóts verið fjarlægt af veginum.