Viðar Örn skoraði í tapi

Viðar var í byrjunarliði Vålerenga, en markalaust var þegar flautað var til hálfleiks. Fyrsta mark leiksins kom á 69. mínútu, en þar var að verki fyrrnefndur Viðar Örn Kjartansson.

Jonathan Lindseth jafnaði metin fyrir heimamenn í Sarpsborg á 81. mínútu og varamaðurinn Muhammed Rashad tryggði Sarpsborg 2-1 sigur með marki á sjöttu mínútu uppbótartíma.

Viðar Örn og félagar eru nú í sjöunda sæti norsku deildarinnar með 34 stig eftir 24 leiki, fimm stigum meira en Sarpsborg sem situr í tíunda sæti.