Telur íblöndunarefni rústa dýrum olíusíum í stórum stíl Hallgerður Kolbrún E. Jónsdóttir skrifar 15. nóvember 2021 15:41 Drulla sem safnast hefur upp í hráolíusíum dísilvéla hefur haft gríðarleg fjárhagslegt tjón í för með sér fyrir marga flutningabílstjóra. Vísir Síðasta árið hafa flutningabílstjórar verið að reka sig á það að hráolíusíur í bílum þeirra hafa verið að skemmast oftar en vanalega, sem hefur í för með sér háar fjárhæðir og gríðarlega sóun. Sökudólginn telja bílstjórar vera lífeldsneyti, sem blandað er út í dísilolíuna sem bílarnir ganga fyrir. Flutningabílstjórinn Ívar Örn Smárason er einn þeirra sem lent hefur í miklum vandræðum vegna þessa. Ívar hefur á þessu ári þurft að skipta sjö sinnum um olíusíu í bílum sínum en vanalega þarf að skipta um síuna um þrisvar á ári. Ívar keypti sér nýjan bíl fyrir sjö vikum síðan, glænýjan Scania-bíl af árgerð 2021, en eftir sex vikna keyrslu fór bíllinn að hökta og skipta þurfti um síuna. Ívar hafði þá keyrt bílinn fjórtán þúsund kílómetra, sem þrátt fyrir að hljóma mjög mikil vegalengd, er smáspotti fyrir þá sem keyra um landið á hverjum degi. Áður en þessi vandræði fóru að herja á hann hafi hann komist fjörutíu þúsund kílómetra fyrir síuskipti. „Við erum að keyra þessa bíla 120 til 140 þúsund kílómetra á ári þannig að þetta er fljótt að safnast upp,“ segir Ívar. „Þetta byrjar í raun bara á þessu ári. Það byrjar strax hjá mér í febrúar að ég þarf að skipta um síu. Þá bilar hjá mér trukkurinn og er látandi öllum illum látum. Þá eru félagar mínir í bransanum búnir að lenda í þessu fyrr í mánuðinum og benda mér á þetta. Ég ríf þá úr trukknum hráolíusíuna, sem síar dísilinn áður en hann fer inn á vélina, þá kom í ljós að sían var stífluð og full af drullu,“ segir Ívar. Þurft að skipta fjórum sinnum um síu umfram það sem eðlilegt telst Olían hafi virst vera eldgömul, sem hún var auðvitað ekki. Ívar segist hafa verið allt árið að glíma við svona erfiðleika. Fjórum sinnum hafi hann þurft að skipta sjálfur um síu eftir að bíllinn hans fór að hökta en skipt hafi verið þrisvar sinnum um síuna eftir almenna skoðun, sem teljist nokkuð eðlilegt. Klippa: Stíflaðar hráolíusíur vegna bíódísilblöndunar „Þær hafa verið að koma mjög svartar úr bílnum og þetta sem er blandað í olíuna er að mynda vax utan á síurnar sem stíflar þær. Þetta er þunnt lag af vaxi sem leggst utan á hana. Svo finnur maður bara þegar maður strýkur af henni, þá sérðu að þetta er einhver vaxmyndun af þessum lífdísil sem þeir eru að setja út í,“ segir Ívar. Jurtaolíurnar fari illa í vélarnar Svokallað lífeldsneyti er blandað saman við dísilolíu hér á landi vegna Evrópureglugerðar sem var innleidd hér árið 2013. Samkvæmt lögunum, sem voru sett í apríl 2013, er markmið þeirra að auka hlut endurnýjanlegra orkugjafa í samgöngum á landi og draga úr losun gróðurhúsalofttegunda með hagkvæmum og skilvirkum hætti. Vegna þessa þurfa söluaðilar að selja dísilolíu sem blönduð er með lífeldsneyti, eða lífdísilolíu svokallaðri og blanda þarf bensín við metanól. Upprunalega var notast við vetnismeðhöndlaða dísilolíu, sem er framleidd úr pálmaolíu, en því svo hætt. Undanfarin ár hefur jurtaolíum verið blandað saman við dísilolíuna sem reynst hefur eigendum dísilökutækja illa. Innleiðing þessarar blönduðu dísilolíu hefur lengi verið deilumál og vakti það athygli árið 2013 að hagsmunaaðilinn Carbon Recycling skrifaði að stórum hluta drögin að lagafrumvarpinu um málið sem síðar var samþykkt af Alþingi. Mikil umræða fór af stað málið á Facebook-hópnum Vörubílar og flutningabílar nýlega. Þar deildi einn myndbandi af olíusíu úr Scania 650 vörubílnum sínum. Sjá má á myndbandinu að olía hafði safnast upp í síunni. Eftir 14 þúsund kílómetra keyrslu hafi hann þurft að skipta um síu en bíllinn hafi farið að missa afl og sían verið vandamálið. Meira en hundrað athugasemdir eru undir færslunni þar sem fleiri hafa sömu sögu að segja. Það sé alveg nýtt á nálinni, ef marka má umræðuna, að skipta þurfi um þessar síur eftir bara 14 þúsund kílómetra keyrslu. Eins og þeim sé refsað fyrir að eiga bíl sem uppfylli mengunarstaðla Ívar segist sjálfur hafa heyrt frá félögum sínum sem starfi sem bifvélavirkjar að þeir hafi orðið þess varir að dísil-fólksbílar hafi verið að bila oftar undanfarið en áður. „Spíssarnir, sem dæla olíunni inn á vélina, í fólksbílum eru að skemmast. Spíssarnir eru mjög viðkvæmur hlutur og dýr hlutur. Það er miklu meira um þessa ónýtu spíssa núna en ella væri en fólk gerir sér ekki grein fyrir hvað er vandamálið,“ segir Ívar. Á olíutönkum dísilbílanna er sérstaklega varað við því af framleiðanda að ekki skuli notuð dísilolía blönduð við lífeldsneyti.Vísir „Sorglegasta er að þetta er bara að gerast í háþróuðum dísilvélum sem eru bara í nýjustu bílunum og eru með háþróaðan mengunarbúnað. Gömlum dísilbílum er alveg sama, þeir finna ekki fyrir svona, en þessir nýju eru miklu viðkvæmari út af mengunarstöðlum og þola ekki svona drulluolíu.“ „Það er eins og manni sé refsað fyrir að vera með nýjan bíl sem uppfyllir alla mengunarstaðla.“ Geti skapað hættulegar aðstæður þegar síurnar bili á þjóðvegum Tvær hráolíusíur eru í bílnum hans Ívars og kostar hver sía um tólf þúsund krónur og hafa þessar aukasíur því kostað um fimmtíu þúsund krónur fyrir Ívar á þessu ári. Láti menn skipta um síurnar í umboðinu kostar það rúm tuttugu þúsund. Hefði Ívar látið skipta um þær í umboðinu hefði það hlaupið á um hundrað þúsund krónum á einu ári. Ívar segir olíuna, þessa lífdísilolíu, ekki bara fara illa með síurnar sjálfar. Eftir nokkurn tíma geti komið til þess að aðrir bílpartar fari að bila vegna olíunnar. „Nú er ég með nýjan bíl sem uppfyllir alla nýjustu Euro-staðlana, þetta er Euro6 bíll með svakalega mikinn mengunarbúnað. Er í alvöru umhverfisvænna að renna einhverju svona í gegn um bílinn heldur en að vera með hreina olíu og leyfa mengunarbúnaðinum bara að virka? Af því að þetta er líka að stífla mengunarbúnaðinn í bílnum.“ Oft geti skapast hættulegar aðstæður þegar olíusían stíflast og bíllinn fer að láta öllum illum látum. Bíllinn komist þá ekki jafn hratt og til dæmis ekki upp langar brekkur, sérstaklega ekki á veturna. Ívar segist sjálfur hafa lent í því að þurfa að stoppa úti í kanti á Vestfjörðum til að skipta þar um síu. „Við erum flestir farnir að byrgja okkur upp og vera bara með síur í nýjum bílum til að skipta sjálfir úti í vegkanti. Það er heldur ekki umhverfisvænt, það er bara ógeðslegt, maður sullar olíu út um allt. En ég er tilneyddur til að gera þetta. Mér finnst ekkert gaman að fara út í snjógallanum og skipta um síu í skítaveðri.“ Ívar segist bara hafa lent í vandræðum með síurnar í nýjustu bílunum sínum. Þeir eldri ráði mun betur við olíublönduna.Vísir Tjón fyrir heimilin gríðarlegt Ívar segir mikið fjárhagstjón fólgið í þessum aukakostnaði. Hann er aðeins með einn bíl og er sjálfur eini starfsmaður fyrirtækisins síns. „Þetta er auðvitað rosalegt fjárhagslegt tjón, það er rosalega súrt að þurfa að vera alltaf að skipta um síur sem eiga að endast fjörutíu þúsund kílómetra en gefast upp eftir ellefu til sautján þúsund kílómetra,“ segir Ívar. Eitthvað sé ekki verið að gera rétt að mati Ívars, fyrir utan það að til lengri tíma geti olían haft enn meira tjón í för með sér. „Til dæmis ef spíssar og margt annað í svona dísilvél fer að gefa sig. Sían í flutningabílnum mínum sigtar drulluna út, svo hún sendi olíuna hreina inn á vélina en auðvitað kemst alltaf eitthvað í gegn. Það fer ekki vel með spíssana og spíssar í svona nýjan flutningabíl kosta á við einbýlishús á Kópaskeri. Þetta eru fleiri milljónir ef spíssarnir skemmast.“ Enn hafi hann sjálfur ekki heyrt af því að spíssar hafi skemmst í vörubílum vegna svona olíuvandræða en mikið sé um það í fólksbílum. „Fólk kannski áttar sig ekki á því eins og maður sjálfur sem er með rekstur utan um þetta og veit hvernig þetta á að haga sér, þetta getur valdið gríðarlegu fjárhagstjóni fyrir heimilin líka.“ Bensín og olía Loftslagsmál Neytendur Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Flutningabílstjórinn Ívar Örn Smárason er einn þeirra sem lent hefur í miklum vandræðum vegna þessa. Ívar hefur á þessu ári þurft að skipta sjö sinnum um olíusíu í bílum sínum en vanalega þarf að skipta um síuna um þrisvar á ári. Ívar keypti sér nýjan bíl fyrir sjö vikum síðan, glænýjan Scania-bíl af árgerð 2021, en eftir sex vikna keyrslu fór bíllinn að hökta og skipta þurfti um síuna. Ívar hafði þá keyrt bílinn fjórtán þúsund kílómetra, sem þrátt fyrir að hljóma mjög mikil vegalengd, er smáspotti fyrir þá sem keyra um landið á hverjum degi. Áður en þessi vandræði fóru að herja á hann hafi hann komist fjörutíu þúsund kílómetra fyrir síuskipti. „Við erum að keyra þessa bíla 120 til 140 þúsund kílómetra á ári þannig að þetta er fljótt að safnast upp,“ segir Ívar. „Þetta byrjar í raun bara á þessu ári. Það byrjar strax hjá mér í febrúar að ég þarf að skipta um síu. Þá bilar hjá mér trukkurinn og er látandi öllum illum látum. Þá eru félagar mínir í bransanum búnir að lenda í þessu fyrr í mánuðinum og benda mér á þetta. Ég ríf þá úr trukknum hráolíusíuna, sem síar dísilinn áður en hann fer inn á vélina, þá kom í ljós að sían var stífluð og full af drullu,“ segir Ívar. Þurft að skipta fjórum sinnum um síu umfram það sem eðlilegt telst Olían hafi virst vera eldgömul, sem hún var auðvitað ekki. Ívar segist hafa verið allt árið að glíma við svona erfiðleika. Fjórum sinnum hafi hann þurft að skipta sjálfur um síu eftir að bíllinn hans fór að hökta en skipt hafi verið þrisvar sinnum um síuna eftir almenna skoðun, sem teljist nokkuð eðlilegt. Klippa: Stíflaðar hráolíusíur vegna bíódísilblöndunar „Þær hafa verið að koma mjög svartar úr bílnum og þetta sem er blandað í olíuna er að mynda vax utan á síurnar sem stíflar þær. Þetta er þunnt lag af vaxi sem leggst utan á hana. Svo finnur maður bara þegar maður strýkur af henni, þá sérðu að þetta er einhver vaxmyndun af þessum lífdísil sem þeir eru að setja út í,“ segir Ívar. Jurtaolíurnar fari illa í vélarnar Svokallað lífeldsneyti er blandað saman við dísilolíu hér á landi vegna Evrópureglugerðar sem var innleidd hér árið 2013. Samkvæmt lögunum, sem voru sett í apríl 2013, er markmið þeirra að auka hlut endurnýjanlegra orkugjafa í samgöngum á landi og draga úr losun gróðurhúsalofttegunda með hagkvæmum og skilvirkum hætti. Vegna þessa þurfa söluaðilar að selja dísilolíu sem blönduð er með lífeldsneyti, eða lífdísilolíu svokallaðri og blanda þarf bensín við metanól. Upprunalega var notast við vetnismeðhöndlaða dísilolíu, sem er framleidd úr pálmaolíu, en því svo hætt. Undanfarin ár hefur jurtaolíum verið blandað saman við dísilolíuna sem reynst hefur eigendum dísilökutækja illa. Innleiðing þessarar blönduðu dísilolíu hefur lengi verið deilumál og vakti það athygli árið 2013 að hagsmunaaðilinn Carbon Recycling skrifaði að stórum hluta drögin að lagafrumvarpinu um málið sem síðar var samþykkt af Alþingi. Mikil umræða fór af stað málið á Facebook-hópnum Vörubílar og flutningabílar nýlega. Þar deildi einn myndbandi af olíusíu úr Scania 650 vörubílnum sínum. Sjá má á myndbandinu að olía hafði safnast upp í síunni. Eftir 14 þúsund kílómetra keyrslu hafi hann þurft að skipta um síu en bíllinn hafi farið að missa afl og sían verið vandamálið. Meira en hundrað athugasemdir eru undir færslunni þar sem fleiri hafa sömu sögu að segja. Það sé alveg nýtt á nálinni, ef marka má umræðuna, að skipta þurfi um þessar síur eftir bara 14 þúsund kílómetra keyrslu. Eins og þeim sé refsað fyrir að eiga bíl sem uppfylli mengunarstaðla Ívar segist sjálfur hafa heyrt frá félögum sínum sem starfi sem bifvélavirkjar að þeir hafi orðið þess varir að dísil-fólksbílar hafi verið að bila oftar undanfarið en áður. „Spíssarnir, sem dæla olíunni inn á vélina, í fólksbílum eru að skemmast. Spíssarnir eru mjög viðkvæmur hlutur og dýr hlutur. Það er miklu meira um þessa ónýtu spíssa núna en ella væri en fólk gerir sér ekki grein fyrir hvað er vandamálið,“ segir Ívar. Á olíutönkum dísilbílanna er sérstaklega varað við því af framleiðanda að ekki skuli notuð dísilolía blönduð við lífeldsneyti.Vísir „Sorglegasta er að þetta er bara að gerast í háþróuðum dísilvélum sem eru bara í nýjustu bílunum og eru með háþróaðan mengunarbúnað. Gömlum dísilbílum er alveg sama, þeir finna ekki fyrir svona, en þessir nýju eru miklu viðkvæmari út af mengunarstöðlum og þola ekki svona drulluolíu.“ „Það er eins og manni sé refsað fyrir að vera með nýjan bíl sem uppfyllir alla mengunarstaðla.“ Geti skapað hættulegar aðstæður þegar síurnar bili á þjóðvegum Tvær hráolíusíur eru í bílnum hans Ívars og kostar hver sía um tólf þúsund krónur og hafa þessar aukasíur því kostað um fimmtíu þúsund krónur fyrir Ívar á þessu ári. Láti menn skipta um síurnar í umboðinu kostar það rúm tuttugu þúsund. Hefði Ívar látið skipta um þær í umboðinu hefði það hlaupið á um hundrað þúsund krónum á einu ári. Ívar segir olíuna, þessa lífdísilolíu, ekki bara fara illa með síurnar sjálfar. Eftir nokkurn tíma geti komið til þess að aðrir bílpartar fari að bila vegna olíunnar. „Nú er ég með nýjan bíl sem uppfyllir alla nýjustu Euro-staðlana, þetta er Euro6 bíll með svakalega mikinn mengunarbúnað. Er í alvöru umhverfisvænna að renna einhverju svona í gegn um bílinn heldur en að vera með hreina olíu og leyfa mengunarbúnaðinum bara að virka? Af því að þetta er líka að stífla mengunarbúnaðinn í bílnum.“ Oft geti skapast hættulegar aðstæður þegar olíusían stíflast og bíllinn fer að láta öllum illum látum. Bíllinn komist þá ekki jafn hratt og til dæmis ekki upp langar brekkur, sérstaklega ekki á veturna. Ívar segist sjálfur hafa lent í því að þurfa að stoppa úti í kanti á Vestfjörðum til að skipta þar um síu. „Við erum flestir farnir að byrgja okkur upp og vera bara með síur í nýjum bílum til að skipta sjálfir úti í vegkanti. Það er heldur ekki umhverfisvænt, það er bara ógeðslegt, maður sullar olíu út um allt. En ég er tilneyddur til að gera þetta. Mér finnst ekkert gaman að fara út í snjógallanum og skipta um síu í skítaveðri.“ Ívar segist bara hafa lent í vandræðum með síurnar í nýjustu bílunum sínum. Þeir eldri ráði mun betur við olíublönduna.Vísir Tjón fyrir heimilin gríðarlegt Ívar segir mikið fjárhagstjón fólgið í þessum aukakostnaði. Hann er aðeins með einn bíl og er sjálfur eini starfsmaður fyrirtækisins síns. „Þetta er auðvitað rosalegt fjárhagslegt tjón, það er rosalega súrt að þurfa að vera alltaf að skipta um síur sem eiga að endast fjörutíu þúsund kílómetra en gefast upp eftir ellefu til sautján þúsund kílómetra,“ segir Ívar. Eitthvað sé ekki verið að gera rétt að mati Ívars, fyrir utan það að til lengri tíma geti olían haft enn meira tjón í för með sér. „Til dæmis ef spíssar og margt annað í svona dísilvél fer að gefa sig. Sían í flutningabílnum mínum sigtar drulluna út, svo hún sendi olíuna hreina inn á vélina en auðvitað kemst alltaf eitthvað í gegn. Það fer ekki vel með spíssana og spíssar í svona nýjan flutningabíl kosta á við einbýlishús á Kópaskeri. Þetta eru fleiri milljónir ef spíssarnir skemmast.“ Enn hafi hann sjálfur ekki heyrt af því að spíssar hafi skemmst í vörubílum vegna svona olíuvandræða en mikið sé um það í fólksbílum. „Fólk kannski áttar sig ekki á því eins og maður sjálfur sem er með rekstur utan um þetta og veit hvernig þetta á að haga sér, þetta getur valdið gríðarlegu fjárhagstjóni fyrir heimilin líka.“
Bensín og olía Loftslagsmál Neytendur Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent