Fyrr­verandi þing­menn vilja stöðu fram­kvæmda­stjóra lands­kjör­stjórnar

Í tilkynningu á vef dómsmálaráðuneytisins segir að umsóknarfrestur hafi runnið út 20. desember síðastliðinn og hafi þrír umsækjendur dregið umsóknir sínar til baka. Landskjörstjórn mun skipa í embættið.

Í hópi umsækjenda eru meðal annars þingmennirnir fyrrverandi, Karl Gauti Hjaltason og Jón Steindór Valdimarsson.

„Með nýjum kosningalögum nr. 112/2021, verður sett á fót sjálfstæð stjórnsýslunefnd sem hefur yfirumsjón með framkvæmd kosninga til Alþingis og sveitarstjórna, forsetakjörs og þjóðaratkvæðagreiðslna.

Verkefni landskjörstjórnar eru undirbúningur og framkvæmd almennra kosninga, upplýsingagjöf og fræðsla til almennings, frambjóðenda, fjölmiðla, kjörstjórna og annarra, samvinna og samráð við viðeigandi aðila um framkvæmd kosninga, kosningarannsóknir og framþróun kosningaframkvæmdar, ráðgjöf til stjórnvalda um kosningar, gerð tillagna að reglusetningu málefnasviðsins og alþjóðlegt samstarf á sviði kosningamála. Loks er það verkefni landskjörstjórnar að annast samræmingu verklags kjörstjórna með því að birta fyrirmæli um undirbúning og framkvæmd kosninga. Framkvæmdastjóri verður forstöðumaður landskjörstjórnar og hefur umsjón með daglegum störfum hennar,“ segir í tilkynningunni.

Umsækjendur eru:

• 1. Anton Helgi Steinarsson, verslunarstjóri
• 2. Ástríður Jóhannesdóttir , lögfræðingur
• 3. Björn Kristjánsson, viðskiptafræðingur
• 4. Bogi Agnar Gunnarsson, lögfræðingur
• 5. Einar Baldvin Stefánsson, lögfræðingur
• 6. Einar Mar Þórðarson, sérfræðingur
• 7. Gísli M. Auðbergsson, hæstaréttarlögmaður
• 8. Guðlaugur Jónasson
• 9. Hrönn Ingólfsdóttir, sérfræðingur
• 10. Jóhann Steinar Ingimundarson, viðskiptafræðingur
• 11. Jón Eggert Guðmundsson, líffræðingur og kerfisstjóri
• 12. Jón Steindór Valdimarsson, lögfræðingur, MPM
• 13. Karl Gauti Hjaltason, fyrrv. sýslumaður og formaður yfirkjörstjórnar
• 14. Katrín Kristjana Hjartardóttir, sérfræðingur
• 15. Kolbrún Garðarsdóttir, lögmaður
• 16. Salvör Sigríður Jónsdóttir, lögfræðingur
• 17. Stefán Örvar Sigmundsson, nefndarmaður
• 18. Sveinbjörg Birna Sveinbjörnsdóttir, lögmaður og framkvæmdarstjóri
• 19. Vilhjálmur Bergs, lögmaður