Körfubolti

Jón Axel með tvö stig í sigri Fortitudo Bologna

Atli Arason skrifar
Jón Axel Guðmundsson í landsleik gegn Hollandi í undakeppni HM.
Jón Axel Guðmundsson í landsleik gegn Hollandi í undakeppni HM. FIBA

Jón Axel Guðmundsson spilaði með Fortitudo Bologna gegn Napoli í ítölsku Lega A deildinni í körfubolta í kvöld í leik sem Jón Axel og félagar unnu 86-89.

Bologna byrjaði leikinn betur en þeir unnu fyrstu tvo leikhlutana og voru yfir í hálfleik, 34-43. Gestirnir unnu þriðja leikhluta með einu stig áður en endurkoma Napoli hófst í síðasta fjórðungnum. 

Napoli náði þá mest að minnka muninn milli liðanna niður í þrjú stig en nær komust þeir ekki. Bologna vann leikinn 86-89. Bologna fer með sigrinum upp úr fallsæti og í 14. sætið með 10 stig á meðan að Napoli er í 7. sæti með 14 stig.

Jón Axel gerði 2 stig og tók 1 frákast á 14 mínútum í leiknum. Næsti leikur Fortitudo Bologna er næsta sunnudag gegn Tortona.

Mest lesið


Fleiri fréttir

Sjá meira


×

Mest lesið