Hófí Dóra reyndi að bjarga hnjánum: „Heyrði bara lækni öskra á mig: Er í lagi með þig?“ Sindri Sverrisson skrifar 7. febrúar 2022 12:00 Hólmfríður Dóra Friðgeirsdóttir lenti af krafti í öryggisnetinu við brautina í Peking. Getty/Tom Pennington „Auðvitað er þetta alltaf smá sjokk,“ segir Hólmfríður Dóra Friðgeirsdóttir sem hlaut nokkuð slæma byltu í keppni í stórsvigi á Vetrarólympíuleikunum í Peking í dag. Hún hófst á loft og skall í öryggisnet við brautina en segist hafa sloppið vel. Hólmfríður birti myndband af byltunni á Instagram skömmu eftir keppni og lét vita af því að það væri í lagi með sig: Klippa: Hólmfríður Dóra féll í brekkunni „Ég sá á vídjói eftir á að ég lendi frekar illa í netinu, og kremst þar eiginlega saman, en ég er svo þakklát fyrir að þetta net hafi verið svona nálægt. Það sést kannski ekki í sjónvarpi hve brattir bakkarnir eru og ef ég hefði ekki lent í netinu hefði ég runnið á maganum lengi, eins og sást svo í seinni ferðinni hjá sumum af stelpunum,“ segir Hólmfríður Dóra, eða Hófí eins og hún er oft kölluð. „Ég tel mig frekar heppna að hafa lent svona í netinu, og svo á þessum kubbi sem ég festist í. Ég heyrði bara lækni öskra á mig: Er í lagi með þig? Ég náði að svara honum og segja já. Vanalega réttir maður upp hönd til að sýna öllum í kring að það sé í lagi með mann, en ég var bara pikkföst þó ég hafi svo náð að losa mig fljótt,“ bætir hún við. Eftir að Hólmfríður Dóra hófst á loft segist hún aðeins hafa hugsað um að vernda sig sem best gagnvart meiðslum, sér í lagi hnémeiðslum.Getty/Tom Pennington Hólmfríður lenti illa á mjöðminni en með því að kæla hana í dag vonast hún til þess að vakna spræk á morgun, tilbúin í svigkeppnina sem fram fer aðfaranótt miðvikudags. Þá skýst ég bara upp í loftið og „the rest is history“ „Mér gekk frekar vel þarna í fyrsta brattanum en svo í sjöundu eða níundu beygju missi ég pressuna á ytra skíðinu, og missi það aðeins frá mér. Skíðin eru náttúrulega ótrúlega beitt, og grípa í snjóinn, og þá skýst ég bara upp í loftið og „the rest is history“. Þegar maður er kominn svona hátt upp í loftið þá hugsar maður aðallega um að reyna að bjarga hnjánum og líkamanum öllum. Mér líður bara ágætlega. Ég lenti svolítið harkalega á mjöðminni en við erum að kæla hana aðeins og þá verð ég góð. Þetta lítur vel út og ég er bara mjög sátt að ekki fór verr því það er mjög dæmigert að svona bylta valdi hnjámeiðslum. Maður hefur oft séð stelpur slíta krossbönd í svona dettu og ég er mjög þakklát fyrir að sleppa við það.“ Áður en að Hólmfríður Dóra skíðaði af stað í dag sá hún tvöfalda ólympíumeistarann og sexfalda heimsmeistarann Mikaelu Shiffrin falla út á svipuðum stað og Hólmfríður féll. "It's . It's . A !" It was heartbreak for defending Olympic champion Mikaela Shiffrin - who crashed out on her opening giant slalom run #Beijing2022 | @MikaelaShiffrin pic.twitter.com/oK9i54tt9E— Eurosport (@eurosport) February 7, 2022 Hólmfríður segir vissulega ekki hafa verið sérlega þægilegt að sjá hvernig fór fyrir Shiffrin, áður en hún fór sjálf af stað. Fleiri fengu byltu í erfiðri brautinni, eins og Nina O'Brien sem skall illa inn í endamarkið í seinni ferðinni í dag. Nina O Briens crash. Eeeeek #Beijing2022WinterOlympics pic.twitter.com/4J1890T2GC— Andy Mullen (@AndrewJMullen) February 7, 2022 Týpan sem fer á fullri ferð á öllum æfingum Hólmfríður kveðst vonsvikin að hafa ekki náð að klára keppnina. Vanalega líði sér sérstaklega vel í miklum bratta og öðlist þar forskot á keppinauta sína enda hiki hún ekki við að leggja allt í sölurnar, en það geti reynst dýrkeypt. „Ef þú myndir spyrja þjálfarann minn þá myndi hann svara að ég sé svona týpa sem keyrir alltaf 100% á þetta, á öllum æfingum, og er þá kannski líklegri til að fljúga smá á hausinn. Ég held að ég búi mjög vel að líkamlegri hreyfigetu og liðleika, sem hjálpar í svona dettum, og því oftar sem maður dettur þá lærir maður líka að detta. Það getur allt gerst í þessari íþrótt. Ef þú ætlar að gefa allt í þetta þá eru meiri líkur á að eitthvað fari smá úrskeiðis en maður er ekkert að mæta á Ólympíuleikana til að skíða varfærnislega,“ segir Hólmfríður Dóra sem á eftir að keppa í svigi og risasvigi, og hefur engan áhuga á að halda aftur af sér þar: „Nei, alls ekki. Það verður bara fulla ferð áfram. Ég vil klárlega sýna að ég get þetta. Auðvitað veit maður aldrei hvað gerist en ég vona að ég vakni á morgun enn betri en í dag, og að kælingin skili sínu. Ég er bara mjög bjartsýn.“ Skíðaíþróttir Vetrarólympíuleikar 2022 í Peking Mest lesið Albert ekki með gegn Frakklandi Fótbolti Bætti heimsmetið aftur Sport Tapið gegn Íslandi kornið sem fyllti mælinn Fótbolti „Eitt fallegasta mark sem Ísland hefur skorað“ Fótbolti Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Handbolti Fjölnir fallinn og rafmögnuð lokaumferð í kortunum Fótbolti Torsóttur sigur enskra gegn Andorra Fótbolti Tveir sterkir póstar úr leik hjá Frökkum fyrir leikinn gegn Íslandi Fótbolti Verstappen á ráspól með hraðasta hring sögunnar Formúla 1 Langlaunahæsti leikmaður liðsins í frystinum Fótbolti Fleiri fréttir Kobe Bryant á ennþá langvinælustu skóna í NBA deildinni Crouch tapaði í Fantasy og tók út refsingu í utandeildinni Glugginn opinn til Tyrklands fyrir Onana Tveir sterkir póstar úr leik hjá Frökkum fyrir leikinn gegn Íslandi Finnar með einn óvæntasta sigur í sögu EM Bætti heimsmetið aftur „Gríðarlega mikilvægur sigur“ Viggó markahæstur í eins marks tapi „Ekki boðlegt fyrir lið eins og Þór/KA“ KA lagði nýliðana á Selfossi Fjölnir fallinn og rafmögnuð lokaumferð í kortunum Stórleikur Porzingis dugði Lettum skammt Stórleikur Söndru tryggði ÍBV sigur Verstappen á ráspól með hraðasta hring sögunnar Hófu titilvörnina með sigri og Sara með stórleik á Ásvöllum „Verður ekki meira svekkjandi en þetta“ Ómar Ingi skyggði á Gidsel Torsóttur sigur enskra gegn Andorra Uppgjörið: Stjarnan - Þór/KA 4-1 | Stjarnan upp í efri hlutann Unnu lokaleikhlutann með 26 stigum Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Tapið gegn Íslandi kornið sem fyllti mælinn Emilía sneri aftur eftir meiðsli Elín Klara markahæst í risasigri Eiga von á breytingum og þyngri miðju gegn Frökkum Sengün stórkostlegur þegar Tyrkir komust í átta liða úrslit Stærsti heimasigur Íslands í keppnisleik Albert ekki með gegn Frakklandi Luis Enrique þarf að fara í aðgerð eftir hjólaslys „Eitt fallegasta mark sem Ísland hefur skorað“ Sjá meira
Hólmfríður birti myndband af byltunni á Instagram skömmu eftir keppni og lét vita af því að það væri í lagi með sig: Klippa: Hólmfríður Dóra féll í brekkunni „Ég sá á vídjói eftir á að ég lendi frekar illa í netinu, og kremst þar eiginlega saman, en ég er svo þakklát fyrir að þetta net hafi verið svona nálægt. Það sést kannski ekki í sjónvarpi hve brattir bakkarnir eru og ef ég hefði ekki lent í netinu hefði ég runnið á maganum lengi, eins og sást svo í seinni ferðinni hjá sumum af stelpunum,“ segir Hólmfríður Dóra, eða Hófí eins og hún er oft kölluð. „Ég tel mig frekar heppna að hafa lent svona í netinu, og svo á þessum kubbi sem ég festist í. Ég heyrði bara lækni öskra á mig: Er í lagi með þig? Ég náði að svara honum og segja já. Vanalega réttir maður upp hönd til að sýna öllum í kring að það sé í lagi með mann, en ég var bara pikkföst þó ég hafi svo náð að losa mig fljótt,“ bætir hún við. Eftir að Hólmfríður Dóra hófst á loft segist hún aðeins hafa hugsað um að vernda sig sem best gagnvart meiðslum, sér í lagi hnémeiðslum.Getty/Tom Pennington Hólmfríður lenti illa á mjöðminni en með því að kæla hana í dag vonast hún til þess að vakna spræk á morgun, tilbúin í svigkeppnina sem fram fer aðfaranótt miðvikudags. Þá skýst ég bara upp í loftið og „the rest is history“ „Mér gekk frekar vel þarna í fyrsta brattanum en svo í sjöundu eða níundu beygju missi ég pressuna á ytra skíðinu, og missi það aðeins frá mér. Skíðin eru náttúrulega ótrúlega beitt, og grípa í snjóinn, og þá skýst ég bara upp í loftið og „the rest is history“. Þegar maður er kominn svona hátt upp í loftið þá hugsar maður aðallega um að reyna að bjarga hnjánum og líkamanum öllum. Mér líður bara ágætlega. Ég lenti svolítið harkalega á mjöðminni en við erum að kæla hana aðeins og þá verð ég góð. Þetta lítur vel út og ég er bara mjög sátt að ekki fór verr því það er mjög dæmigert að svona bylta valdi hnjámeiðslum. Maður hefur oft séð stelpur slíta krossbönd í svona dettu og ég er mjög þakklát fyrir að sleppa við það.“ Áður en að Hólmfríður Dóra skíðaði af stað í dag sá hún tvöfalda ólympíumeistarann og sexfalda heimsmeistarann Mikaelu Shiffrin falla út á svipuðum stað og Hólmfríður féll. "It's . It's . A !" It was heartbreak for defending Olympic champion Mikaela Shiffrin - who crashed out on her opening giant slalom run #Beijing2022 | @MikaelaShiffrin pic.twitter.com/oK9i54tt9E— Eurosport (@eurosport) February 7, 2022 Hólmfríður segir vissulega ekki hafa verið sérlega þægilegt að sjá hvernig fór fyrir Shiffrin, áður en hún fór sjálf af stað. Fleiri fengu byltu í erfiðri brautinni, eins og Nina O'Brien sem skall illa inn í endamarkið í seinni ferðinni í dag. Nina O Briens crash. Eeeeek #Beijing2022WinterOlympics pic.twitter.com/4J1890T2GC— Andy Mullen (@AndrewJMullen) February 7, 2022 Týpan sem fer á fullri ferð á öllum æfingum Hólmfríður kveðst vonsvikin að hafa ekki náð að klára keppnina. Vanalega líði sér sérstaklega vel í miklum bratta og öðlist þar forskot á keppinauta sína enda hiki hún ekki við að leggja allt í sölurnar, en það geti reynst dýrkeypt. „Ef þú myndir spyrja þjálfarann minn þá myndi hann svara að ég sé svona týpa sem keyrir alltaf 100% á þetta, á öllum æfingum, og er þá kannski líklegri til að fljúga smá á hausinn. Ég held að ég búi mjög vel að líkamlegri hreyfigetu og liðleika, sem hjálpar í svona dettum, og því oftar sem maður dettur þá lærir maður líka að detta. Það getur allt gerst í þessari íþrótt. Ef þú ætlar að gefa allt í þetta þá eru meiri líkur á að eitthvað fari smá úrskeiðis en maður er ekkert að mæta á Ólympíuleikana til að skíða varfærnislega,“ segir Hólmfríður Dóra sem á eftir að keppa í svigi og risasvigi, og hefur engan áhuga á að halda aftur af sér þar: „Nei, alls ekki. Það verður bara fulla ferð áfram. Ég vil klárlega sýna að ég get þetta. Auðvitað veit maður aldrei hvað gerist en ég vona að ég vakni á morgun enn betri en í dag, og að kælingin skili sínu. Ég er bara mjög bjartsýn.“
Skíðaíþróttir Vetrarólympíuleikar 2022 í Peking Mest lesið Albert ekki með gegn Frakklandi Fótbolti Bætti heimsmetið aftur Sport Tapið gegn Íslandi kornið sem fyllti mælinn Fótbolti „Eitt fallegasta mark sem Ísland hefur skorað“ Fótbolti Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Handbolti Fjölnir fallinn og rafmögnuð lokaumferð í kortunum Fótbolti Torsóttur sigur enskra gegn Andorra Fótbolti Tveir sterkir póstar úr leik hjá Frökkum fyrir leikinn gegn Íslandi Fótbolti Verstappen á ráspól með hraðasta hring sögunnar Formúla 1 Langlaunahæsti leikmaður liðsins í frystinum Fótbolti Fleiri fréttir Kobe Bryant á ennþá langvinælustu skóna í NBA deildinni Crouch tapaði í Fantasy og tók út refsingu í utandeildinni Glugginn opinn til Tyrklands fyrir Onana Tveir sterkir póstar úr leik hjá Frökkum fyrir leikinn gegn Íslandi Finnar með einn óvæntasta sigur í sögu EM Bætti heimsmetið aftur „Gríðarlega mikilvægur sigur“ Viggó markahæstur í eins marks tapi „Ekki boðlegt fyrir lið eins og Þór/KA“ KA lagði nýliðana á Selfossi Fjölnir fallinn og rafmögnuð lokaumferð í kortunum Stórleikur Porzingis dugði Lettum skammt Stórleikur Söndru tryggði ÍBV sigur Verstappen á ráspól með hraðasta hring sögunnar Hófu titilvörnina með sigri og Sara með stórleik á Ásvöllum „Verður ekki meira svekkjandi en þetta“ Ómar Ingi skyggði á Gidsel Torsóttur sigur enskra gegn Andorra Uppgjörið: Stjarnan - Þór/KA 4-1 | Stjarnan upp í efri hlutann Unnu lokaleikhlutann með 26 stigum Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Tapið gegn Íslandi kornið sem fyllti mælinn Emilía sneri aftur eftir meiðsli Elín Klara markahæst í risasigri Eiga von á breytingum og þyngri miðju gegn Frökkum Sengün stórkostlegur þegar Tyrkir komust í átta liða úrslit Stærsti heimasigur Íslands í keppnisleik Albert ekki með gegn Frakklandi Luis Enrique þarf að fara í aðgerð eftir hjólaslys „Eitt fallegasta mark sem Ísland hefur skorað“ Sjá meira
Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Handbolti
Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni
Uppgjörið: Stjarnan - Minaur Baia Mare 26-27 | Stjarnan féll úr leik á grátlegan hátt eftir vítakastkeppni Handbolti