Laminn í­trekað með flösku í höfuðuð

Klukkan eitt í nótt var tilkynnt um líkamsárás á Seltjarnarnesi þar sem þrír menn réðust að einum og veittu honum áverka. Árásarmennirnir voru farnir af vettvangi þegar lögreglu bar að garði. Sá sem varð fyrir árásinni var fluttur á bráðamótttöku Landspítalans en ekki er vitað um meiðsl hans samkvæmt dagbókarfærslu lögreglu.

Skömmu síðar var tilkynnt um aðra líkamsárás, í þetta skiptið í miðborg Reykjavíkur. Þar hafði maður verið laminn ítrekað í höfuðið með flösku en sá sem réðst að honum var var farinn af vettvangi þegar lögreglumenn mættu á svæðið.

Sjúkraliði sem staddur var á vettvangi skoðaði áverka mannsins sem varð fyrir árásinni. Ekki var talin þörf á bráðaflutningi og fór maðurinn því á bráðamótttökuna með leigubíl.

Fyrr um kvöldið hafði lögregla einnig haft afskipti af manni sem ekið hafði á ljósastaur og bíl í Garðabæ. Hafði viðkomandi gengið af vettvangi áreksturins. Lögregla náði hins vegar sambandi við manninn síðar um kvöldið og var hann þá grunaður um ölvun við akstur og handtekinn vegna málsins.