Gerrard vill halda Coutinho

Hinn 29 ára Coutinho kom á lánssamning til Villa frá Barcelona í janúar. Þrátt fyrir að enska félagið borgi einungis fjórðung af launum Coutinho þá er hann samt launahæsti leikmaður liðsins ásamt Danny Ings. Báðir eru þeir með um 120 þúsund pund í vikulaun.

„Framherjar okkar, Ollie Watkins og Danny Ings vilja hafa hann í kringum sig liðinu þar sem Coutinho leikmaður sem skilar alltaf sínu á stóra sviðinu,“ sagði Gerrard í viðtali við Sky Sports.

Í lánssamning Coutinho er söluákvæði sem gerir Aston Villa kleift að kaupa leikmanninn á 33,4 milljónir punda. Hjá Barcelona fær Coutinho 480 þúsund pund á viku og því er þó ljóst að Brassinn þarf eitthvað að slaka á launakröfum sínum svo að félagaskipti hans til Aston Villa gangi í gegn.

„Ég stjórna ekki fjármálum liðsins. Það eina sem ég get gert er að koma mínum sjónarmiðum á framfæri til félagsins. Stjórn Aston Villa fylgist með öllum leikjum og hún mun taka loka ákvörðun um Coutinho. Hann hefur þó klárlega sýnt hvað hann er fær um að gera.“

Coutinho er búinn að skora þrjú mörk ásamt því að gefa þrjár stoðsendingar í sjö leikjum fyrir Villa síðan hann skipti yfir til félagsins í janúar.

„Restin af hópnum nýtur góðs af því að hafa hann hérna. Við viljum hafa hann hér því ef við eigum að komast þangað sem við viljum fara sem lið þá þurfum við að byggja liðið upp í kringum hæfileikaríka leikmenn. Þegar Phil [Coutinho] er í sínu besta formi þá er hann í heimsklassa,“ sagði Steven Gerrard, knattspyrnustjóri Aston Villa.